上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
22 「列位父兄啊，我今對恁家己分訴，請恁聽。」
2 𪜶聽見伊用希伯來的腔口對𪜶講，就閣卡安靜。
3 保羅講：「我就是猶太人，出世佇基利家的大數，長成佇此個城，做迦瑪列的學生，照咱祖宗律法的嚴謹來受教示，為著上帝來熱心，親像今仔日恁眾人一樣。
4 我曾窘逐趁此個路的人，互伊死，無論男女攏缚𪜶送落監。
5 祭司頭及長老的全會通做我的干證。我亦對𪜶得著寄互兄弟的批，去大馬色，欲縛𫢶佇遐的人拖到耶路撒冷，受刑罰。」
保羅講歸主的經過
6 ( 9:1-19 26:12-18 )
「行近大馬色，彼時約略日中晝，忽然對天有大光圍纍照我。
7 我就仆佇地裡，聽見有聲對我講：『掃羅！掃羅！啥事窘逐我？』
8 我應講：『主啊，你是是誰？』伊應我講：『我就是拿撒勒的耶穌，你所窘逐的。』
9 及我佇啲的人看見彼個光，無聽見給我講者的聲。
10 我講：『主啊，我著怎樣做？』主給我講：『起來，入大馬色，凡所定著你行的，佇遐欲給你講。』
11 我因為彼個光的燦爛就𣍐看見，互相及佇啲的人牽入大馬色。
12 有一人，名叫亞拿尼亞，照律法是敬虔的人，互𫢶佇遐的眾猶太人所謳咾。
13 伊就近我，來徛佇身邊，給我講：『兄弟掃羅，你通閣看。』
14 我即時攑目看伊。閣講：『咱列祖的上帝已經定著你來知伊的旨意，看彼個義的，閣聽伊的嘴所出的聲。
15 因為你欲將所看見，所聽見的，為著伊做干證佇眾人。
16 今啥事延迁啊？起來，求伊的名來受洗禮，洗除你的罪。』」
保羅奉差向外邦人傳道
17 「後來，我倒轉到耶路撒冷，佇殿裡祈禱的時，神遊佇象外，
18 看見伊對我講：『你著趕緊出耶路撒冷，因為你為著我所干證的，許個人啲欲接納。』
19 我講：『主啊，𪜶攏知我平素佇逐個會堂將信你的人關監，閣拍𪜶。
20 閣做你的干證的司提反流血的時，我亦徛倚同歡喜；閣顧害死伊的人的衫。』
21 主給我講：『去啊！我欲差你去遠遠就近外邦人。』」
保羅及官長交涉
22 𪜶聽到此句話，就大聲講：「此號人，著對地裡除去！伊應該活。」
23 眾人嘩嘩嚷，褪衫，拂土粉佇空中。
24 千總就命令帶保羅入營盤，用鞭拍來審問伊，愛知為著甚麼緣故眾人按呢嚷伊。
25 抵仔用皮帶縛伊，保羅對邊仔啲徛的百總講：「做羅馬人，未定罪，恁拍伊，通嗎？」
26 百總聽見，就去給千總講：「你欲怎樣做？因為此個是羅馬人。」
27 千總就近來對伊講：「給我講，你是羅馬人抑是？」伊講：「是。」
28 千總應講：「我用多多銀買入此個籍。」保羅講：「我出世就是。」
29 對按呢欲拍問伊的人就連鞭離開伊。千總既然知伊是羅馬人，因為曾缚伊，亦真驚。
保羅佇公會前分訴
30 隔日，愛知保羅互猶太人告的實情，就給伊解開，命令諸個祭司頭及全公會聚集，就帶保羅落來，互伊徛佇𪜶的面前。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。