上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
利未記
1
燒祭的條例
耶和華叫摩西對會幕內，給伊講：
2 「你著吩咐以色列人給𪜶講：恁中間若有人獻禮物互耶和華，著對牛群羊群中獻精牲做禮物。
3 「伊的禮物若對牛群取做燒祭，就著獻一隻無瑕疵的牛牨，著佇會幕門口獻伊，通佇耶和華的面前得著接納。
4 伊著按手佇燒祭的精牲的頭殼頂，就為著伊受接納，替伊贖罪。
5 伊著佇耶和華的面前刣牛牨仔；亞倫的子孫做祭司者，著獻彼個血，將血灑佇會幕門口、壇的四周圍。
6 伊著剝燒祭的精牲的皮，切伊的肉一塊一塊。
7 祭司亞倫的子孫著用火下佇壇頂，用柴排佇火的頂面。
8 亞倫的子孫做祭司者，著將肉塊及頭及油排佇壇頂火裡的柴。
9 獨獨燒祭的臟腑及腿伊著用水洗伊。祭司就著將一切攏燒佇壇頂，做燒祭，獻互耶和華做芳芳的火祭。
10 「伊的禮物若對羊群中來做燒祭，或是綿羊或是山羊，著用無瑕疵的公的來獻。
11 著佇壇邊的北勢，刣伊佇耶和華的面前；亞倫的子孫做祭司者，著用伊的血灑佇壇的四周圍。
12 著給伊切一塊一塊，連頭及油，祭司著排佇壇頂火裡的柴；
13 獨獨臟腑及腿著用水洗伊，祭司著將一切攏獻，燒佇壇頂。這是燒祭，獻互耶和華做芳芳的火祭。
14 「伊獻互耶和華的禮物，若用鳥隻做燒祭，就著獻鳩鵻抑是鴿仔子做禮物。
15 祭司著帶鳥仔到壇前，捘斷伊的頭，燒佇壇頂；伊的血著瀝佇壇邊；
16 閣著將鳥的胿及伊的毛除去，㧒佇壇邊的東勢火灰的所在。
17 著搝鳥的二翅，將伊拆開，總是通破互伊斷；祭司著燒伊佇壇頂、火裡的柴。這是燒祭，獻互耶和華做芳芳的火祭。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。