上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
40
耶和華會幕的建立及奉獻
耶和華吩咐摩西講：
2 「正月初一，你著起聚集的會幕，
3 你著下法櫃佇彼內面，用帳簾遮截伊。
4 扛桌入去，排設頂面的物。扛燈台入去，點伊的燈。
5 扛燒香的金壇下佇法櫃前，掛會幕門的門簾。
6 將燒祭的壇下佇聚集的會幕門前。
7 將洗盪的盆下佇會幕及壇的中間，貯水佇盆內。
8 閣佇四圍徛場帷，掛場門的門簾。
9 用抹的油抹會幕及其中凡所有的，分別伊及攏總的器具做聖，伊就做聖。
10 閣抹燒祭的壇及伊攏總的器具，分別壇做聖，壇就做至聖。
11 也著抹洗盪的盆，分別伊做聖。
12 閣著導亞倫及伊許個子到會幕門前，用水給𪜶洗。
13 也給亞倫穿聖衫，閣用油抹伊，分別伊做聖，互伊做祭司來服事我；
14 閣導伊許個子來，給𪜶穿內袍。
15 著給𪜶抹油親像抹𪜶老父一樣，互𪜶做祭司來服事我。𪜶受抹油欲永遠做祭司，到逐世代。」
16 摩西按呢行，攏是照耶和華所吩咐伊的來行。
17 第二年正月初一，會幕就竪起來。
18 摩西竪會幕，下許個臼，竪許個板，串許個橫楗竪許個柱。
19 佇會幕頂搭布棚，將布棚的蓋蓋佇伊的頂面，是照耶和華所吩咐摩西的。
20 閣用律法下佇櫃內，用槓串佇櫃裡，下施恩所佇櫃頂。
21 扛櫃入會幕，掛遮截的帳簾，遮截法櫃，是照耶和華所吩咐摩西的。
22 閣將桌下佇會幕內，佇會幕的北勢，佇帳簾外。
23 彼頂面用餅排佇耶和華的面前，是照耶和華所吩咐摩西的。
24 閣下燈台佇會幕內，及桌相對，佇會幕的南旁，
25 佇耶和華的面前點燈，是照耶和華所吩咐摩西的。
26 閣下金壇佇會幕內的帳簾前，
27 佇彼頂面燒芳料的香，是照耶和華所吩咐摩西的，
28 閣掛會幕門的門簾。
29 佇聚集的會幕門前，下燒祭的壇，將燒祭及素祭獻佇彼頂面，是照耶和華所吩咐摩西的。
30 下洗盪的盆佇會幕及壇的中間，盆內貯水，通洗盪。
31 摩西及亞倫及伊許個子佇遐洗手洗腳。
32 𪜶入會幕的時抑是就近壇的時，就洗，是照耶和華所吩咐摩西的。
33 佇會幕及壇的四圍徛帳帷，也掛帳帷門的門簾。按呢，摩西就完工。
雲彩遮蓋會幕
34 ( 民 9:15-23 )
彼時，雲遮蓋會幕，耶和華的榮光充滿會幕。
35 摩西𣍐會入會幕；因為雲停佇彼頂面，閣耶和華的榮光充滿佇會幕。
36 雲對會幕收上去的時，以色列人就起身行𪜶的路站；
37 雲若無收上去，𪜶就無起身行，直直到雲收上去。
38 日時，耶和華的雲佇會幕頂；暝時，彼中間有火，佇以色列全家的目睭前。佇𪜶所行的路站攏是按呢。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。