上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
4
彼得、約翰佇公會受查問
𪜶對百姓講話的時，諸個祭司及殿司，以及撒都該人忽然到。
2 因為𪜶教示百姓，閣引起耶穌，來傳對死人中復活的道理，就大歡喜，
3 對按呢下手掠𪜶；因為日暗，關𪜶佇監裡來聽候隔日。
4 若是聽道理的人多多信，人額約略到五千。
5 隔日，𪜶的官府、長老、經學士聚集佇耶路撒冷，
6 祭司頭亞那佇啲，閣有該亞法、約翰、亞力山大，以及凡若屬祭司頭的宗族亦佇啲，
7 互𪜶徛佇中央，問講：「恁用甚麼權能，用甚麼名行此個代誌啊？」
8 彼得彼時互聖神充滿，對𪜶講：
9 「百姓的官府及長老啊，阮諸個今仔日若為著行佇軟弱的人的好事來受審問，看伊按怎樣得救，
10 就恁眾人及通以色列百姓著知，是佇拿撒勒人耶穌基督的名恁所釘佇十字架、上帝互伊對死人中復活的就是佇伊的名，此人好好徛佇恁的面前。
11 伊就是
恁師傅所揲的石，
已經成做厝角的頭。
12 閣佇別個，並無拯救；因為佇天下，無賞賜別個名佇人的中間，互咱𫢶佇伊來得救。」
13 眾人看見彼得、約翰的好膽，閣知𪜶是無學問的平常人，就奇怪，閣認得𪜶曾隨耶穌；
14 亦看見得著好的人及𪜶相及徛啲，就無話通辯駁。
15 才教𪜶出會所，也相及議論講：
16 「諸個人欲怎樣辦𪜶？𪜶顯然行神蹟，𫢶佇耶路撒冷的人攏知，咱諸個𣍐講無得。
17 總是免得此個事益發報揚佇百姓的中間，咱著哄𪜶，斷斷通閣將此個名對人講。」
18 就叫𪜶來，禁止𪜶千萬通用耶穌的名來講起來教示。
19 若是彼得、約翰應講：「聽恁卡過頭聽上帝，佇上帝的面前合宜抑無，恁才擬斷！
20 因為阮所曾看曾聽的，𣍐得通無講。」
21 許個人因為百姓的緣故，想無步通刑罰𪜶，就閣再哄喝，才放𪜶。是眾人為著𪜶所行的來歸榮光上帝。
22 因為對神蹟得著醫好的人已經四十外歲。
門徒求主賜膽量
23 𪜶已經得著解放，就去尋𪜶的朋友，將諸個祭司頭及長老所講的話對𪜶講。
24 𪜶聽見，就同心出聲對上帝講：「主宰啊！你是創造天、地、海，及其中萬物的，
25 你曾對聖神，用你的奴僕──阮的祖大衛的嘴，來講：
列邦啥事大受氣？
諸個百姓啥事計謀空空的代？
26 地上的列王一齊徛啲，
諸個官員也相及聚集，
來對敵主，
及伊的基督。
27 因為希律、本丟‧彼拉多，及外邦人以及以色列諸個百姓，果然聚集佇此個城，來攻擊你所抹油聖的奴僕耶穌，
28 來行你的手你的旨意所代先定著一切欲成的事。
29 今，主啊，著鑑察許個人的哄喝，互你諸個奴僕好膽講你的道理，
30 照時伸你的手來醫病，互神蹟奇事對你聖的奴僕耶穌的名來成。」
31 祈禱息，聚集的所在大振動，眾人攏受聖神充滿，好膽講上帝的道理。
逐項物做公的
32 信的人攏一心一志，無人講伊所有的屬家己，是逐項物做公的。
33 使徒用大權能，干證主耶穌的復活；眾人也得著大恩典。
34 其中無欠缺的人；因為見有田園厝宅的攏賣伊，帶𪜶所賣的銀，
35 下佇使徒的腳下，照逐人所欠用，分互𪜶。
36 有利未族的人，出世佇居比路，名約瑟，使徒叫伊做巴拿巴（翻譯就是𠢕安慰的人）。
37 伊有園，就賣去，將所賣的銀帶來，下佇使徒的腳下。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。