上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰福音
17
耶穌的祈禱
耶穌講諸個，就攑目向天，講：「父啊，時到啦，願你榮光你的子，通互子榮光你；
2 親像你曾互子有權治理見有肉體的，欲互伊將永活賞賜見若你所互伊的人。
3 此個永活，就是識你──獨一真的上帝，及你所差的耶穌基督。
4 我已經榮光你佇地上，就是你所交代我行的工，我已經成伊。
5 父啊，今著互我及你相及有榮光，就是未有世間以前，我及你相及有的榮光。
6 「你所賞賜我出佇世間的人，我已經用你的名對𪜶顯明。𪜶本是你的，你用𪜶賞賜我，𪜶亦已經守你的道理。
7 今𪜶知，見若你所互我的，攏是對你來；
8 因為你所互我的話，我已經互𪜶，𪜶承受伊，亦確實知，我對你出，閣信你差我。
9 我為著𪜶求，是為著世間求，就是為著你所互我的人，因為𪜶是你的。
10 見若我的，就是你的；你的就是我的，閣我佇𪜶有得著榮光。
11 今了後，我無佇世間，𪜶佇世間；我歸佇你。聖的父啊，願你佇你的名就是你所互我的來保守𪜶，互𪜶做一個親像咱一樣。
12 我及𪜶佇啲的時，曾佇你的名，就是你所互我的來保守𪜶，我亦有照顧𪜶；其中無一個沈淪，只有彼個沈淪的人若定，互聖經得著應驗。
13 今我就近你，我猶𫢶世間講諸個話，欲互𪜶有我的歡喜滿滿佇𪜶的心內。
14 我已經將你的道理互𪜶。世間怨恨𪜶；因為𪜶無屬世間，親像我無屬世間。
15 我是求你互𪜶出世間，就是保守𪜶脫離歹的。
16 𪜶無屬世間，親像我無屬世間。
17 願你用真理互𪜶成聖；你的道理就是真理。
18 親像你差我入世間，我亦有差𪜶入世間。
19 我為著𪜶來做聖，互𪜶亦對真理來成聖。
20 「我若為著諸個人求，亦為著對𪜶的話來信我的人求，
21 互𪜶攏做一個。親像父，你𫢶佇我，我𫢶佇你，互𪜶亦按呢𫢶佇咱，就互世間信你差我。
22 你所互我的榮光，我已經互𪜶，互𪜶做一個，親像咱的做一個。
23 我𫢶佇𪜶，你𫢶佇我，互𪜶會完全來做一個，互世間知你差我，亦知你疼𪜶親像疼我一樣。
24 父啊，你所互我的，我愛𪜶佇我所佇啲的所在，亦及我相及佇遐，互𪜶看見你所賞賜我的榮光；因為創造世間以前，你已經疼我。
25 義的父啊，世間未識你，獨獨我有識你；諸個人亦識你有差我。
26 我曾用你的名指示𪜶，閣欲指示𪜶，互你疼我的疼痛𫢶佇𪜶，我亦𫢶佇𪜶。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。