上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
37
造約櫃
( 出 25:10-22 )
比撒列用皂莢柴做櫃，長二肘半，闊肘半，高肘半。
2 內外用好金包伊，四圍齒金線，
3 佇伊的四腳給伊鑄四個金環：此旁二環，彼旁二環。
4 用皂莢柴做二支槓，用金包伊。
5 將槓串佇櫃邊的環內，通扛櫃。
6 用好金做施恩所，長二肘半，闊肘半。
7 用金做二個𠼻𡀔兵，用捙的法做伊，佇施恩所的雙頭，
8 此頭一個𠼻𡀔兵，彼頭一個𠼻𡀔兵，二個𠼻𡀔兵佇施恩所的雙頭，及伊連做一塊。
9 二個𠼻𡀔兵高高展開翅，用𪜶的翅遮施恩所；𪜶的面相對；𠼻𡀔兵的面俯施恩所。
造排列餅的桌
10 ( 出 25:23-30 )
伊用皂莢柴做桌，長二肘，闊一肘，高肘半，
11 用好金包伊，四圍給伊齒金線。
12 桌的四圍各做一巴掌闊的橫樑，橫樑頂四圍齒金線，
13 給伊鑄四個金環，安佇伊的四腳的四角。
14 安環的所在倚近橫樑，通串槓來扛桌。
15 用皂莢柴做二支槓，用金包伊，通扛桌；
16 也做桌頂的器具，伊的盤、碗、瓶、杯通來灌奠，攏用好金做。
造燈台
17 ( 出 25:31-40 )
伊用好金做燈台；燈台的座及中柱，伊的杯，伊的木，伊的花，攏用拍的法做歸座。
18 伊的邊仔分出六枝：燈台的此旁有三枝，燈台的彼旁有三枝；
19 此旁每枝有三個杯，款式親像杏花，有木有花；彼旁每枝也有三個杯，款式親像杏花，有木有花。對燈台分出的六枝攏是按呢。
20 燈台柱有四個杯，款式親像杏花，有伊的木及伊的花。
21 二枝的下面有一木及伊相連，閣二枝的下面有一木及伊相連，閣二枝的下面有一木及伊相連；燈台所出的六枝攏是按呢。
22 許個木及許個枝攏及伊連做一個，攏用好金照拍的法做。
23 也給伊做七個燈盞，及伊的剪及伊的盤攏用好金做的。
24 做燈台及一切的器具用好金一他連得。
造香壇
25 ( 出 30:1-5 )
伊用皂莢柴做香壇，長一肘，闊一肘，款式四方的，高二肘，伊許個角及壇連做一塊；
26 壇及伊的頂面及伊的四圍及伊許個角攏用好金包伊，也佇伊的四圍齒金線。
27 閣給伊做二個金環，安佇齒線的下面，佇壇的雙旁、二支橫杆的頂面，諸個環是做串槓的路用，通扛壇。
28 用皂莢柴做槓，用金包𪜶。
造聖油及芳香
29 ( 出 30:22-38 )
閣照做芳味的法做通抹的聖油及芳料清潔的香。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。