上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰福音
6
耶穌互五千人食飽
( 太 14:13-21 可 6:30-44 路 9:10-17 )
諸個事以後，耶穌過去加利利海彼旁，就是提比哩亞海。
2 有多多人隨伊，是因為看見伊所行佇病人的神蹟。
3 耶穌上山，及伊的學生坐佇遐。
4 𨃟過節就是猶太人的節近啦。
5 耶穌攑目看見多多人就近伊，就給腓力講：「咱欲對叨落買餅來互諸個人食啊？」（
6 伊講此個是啲試伊；因為伊家己知所欲行的。）
7 腓力應伊講：「用二百個銀仔來買餅，亦無夠額互𪜶逐人得著淡薄。」
8 伊的學生中一人，就是西門‧彼得的兄弟安得烈，給伊講：
9 「佇遮一個囝仔，有五個大麥餅、二尾魚，總是將諸個互許多人有夠叨落？」
10 耶穌講：「恁教許個人坐啲。」彼所在多多草，人就攏坐，數額約略五千。
11 耶穌提許個餅，祝謝了後，就分互坐的人；魚亦是按呢，攏照𪜶所愛。
12 𪜶已經食飽，耶穌給伊的學生講：「拾所食剩的屑仔，免得有拍損。」
13 就將所食剩五個大麥餅的餅碎，拾滿十二筐。
14 許個人看見伊所行的神蹟，就講：「此個真正是所欲來世間的先知！」
15 耶穌知眾人欲來，愛硬掠伊互伊做王，就閣退去入山，只有伊家己佇遐。
耶穌佇海面行
16 ( 太 14:22-33 可 6:45-52 )
黃昏暗，伊的學生落去到海邊，
17 上船，欲過海去迦百農。已經暗，耶穌猶未到。
18 因為風真透，海湧就愈大。
19 對按呢學生划船，約略行八里抑十里，看見耶穌行海面，愈倚近船，就驚。
20 若是耶穌對𪜶講：「是我，免驚！」
21 學生就歡喜至接伊上船，船連鞭到𪜶所欲去的所在。
耶穌是活命的餅
22 隔日，徛佇海彼旁岸的眾人，看見彼位無別隻船仔，只有一隻若定，閣耶穌無及伊的學生搭彼隻船，只有學生家己去。
23 總是有幾隻船仔對提比哩亞來，到近佇主祝謝了後眾人食餅的所在。
24 眾人看見耶穌及伊的學生攏無佇遐，就搭彼幾隻船仔，到迦百農尋耶穌。
25 已經抵著伊佇海的彼旁岸，就給伊講：「拉比，你甚麼時到遮？」
26 耶穌應講：「我實實給恁講，恁諸個尋我，是因為看見神蹟，是因為食餅到飽若定。
27 莫得為著會敗壞的米糧來著磨，著為著長長佇啲永活的米糧來著磨，就是人子所欲互恁的，因為伊是父上帝所蓋印的。」
28 𪜶就對伊講：「阮著怎樣行，來做上帝的工？」
29 耶穌應講：「信伊所差的，此個就是上帝的工。」
30 𪜶給伊講：「你行甚麼神蹟，互阮看來信你啊；你行甚麼啊？
31 阮的祖佇曠野食嗎哪，照所記載講：『用對天來的餅互𪜶食。』」
32 耶穌給𪜶講：「我實實給恁講，是摩西用對天來的餅互恁，就是我的父用對天來的真餅互恁。
33 因為上帝的餅就是彼個對天落來，也用活命賞賜世間的。」
34 𪜶就對伊講：「主啊，常常用此號餅互阮！」
35 耶穌給𪜶講：「我就是活命的餅。就近我的人，決斷𣍐枵；信我的人，永永𣍐嘴乾。
36 若是我曾給恁講，恁已經看見我，亦猶原信。
37 見若父所互我的欲攏就近我；就近我的人，我決斷無棄拺伊。
38 因為我對天降落，是行家己的旨意，就是行差我者的旨意。
39 今差我者的旨意：就是見若伊所互我的，我無失落一個，是佇末日互伊復活。
40 因為我的父的旨意就是見若看見子來信伊的人攏有永活，也我佇末日互伊復活。」
41 猶太人因為耶穌講「我是對天降落的餅」，就耦耦唸伊，
42 講：「此個豈是約瑟的子耶穌嗎？伊的父母是咱所識的。今怎樣講『我是對天降落』啊？」
43 耶穌應講：「恁莫得按呢耦耦唸。
44 若是差我的父引導伊，就無人會就近我；就近我的，我佇末日欲互伊復活。
45 佇諸個先知有記載講：『𪜶攏欲互上帝教𪜶。』見若對父聽見來學的人，就就近我。
46 這是講有人曾看見父，只有對上帝來的，伊曾看見父。
47 我實實給恁講，信的人有永活。
48 我是活命的餅。
49 恁的祖佇曠野食嗎哪，𪜶亦死。
50 此個就是對天降落的餅，互人食的也𣍐死。
51 我是活的餅對天降落的；人若食此個餅，就活到永世代。閣我所欲互人的餅，就是我的肉為著世間的活命才賞賜的。」
52 對按呢，猶太人相爭講：「此人豈會用伊的肉互咱食？」
53 耶穌就給𪜶講：「我實實給恁講，恁若無食人子的肉，無飲伊的血，就恁的內面無活。
54 食我的肉、飲我的血的人有永活，末日我欲互伊復活。
55 我的肉是真的食物，我的血是真實通飲的。
56 食我的肉、飲我的血的人，伊𫢶佇我，我亦𫢶佇伊。
57 親像活的父差我，閣我對父來活；食我的，欲對我來活亦是按呢。
58 這就是對天降落的餅。是親像列祖的食嗎哪也死去，食此個餅的人欲活到永世代。」
59 諸個話是耶穌𫢶佇迦百農會堂來教示人的時所講的。
永活的話
60 伊的學生中多多人聽了，就講：「此個話真，是誰會聽伊？」
61 耶穌心內知伊的學生因為此個耦耦唸，就給𪜶講：「此個是塞礙著恁嗎？
62 設使恁看見人子上到伊原本的所在呢？
63 互人活的就是神，肉體就無利益。我所給恁講的話是神，是活命。
64 若是恁中間有信的人啦。」因為耶穌對起頭就知是誰信伊，是誰欲賣伊。
65 閣講：「因為按呢，我曾給恁講，若是對父互伊，無人會就近我。」
66 對按呢，伊的學生多多退去，無閣及伊行。
67 耶穌就給十二個學生講：「恁亦欲去嗎？」
68 西門‧彼得應伊講：「主啊，你有永活的話，阮欲去尋是誰啊？
69 阮已經信，閣知你是上帝的聖者。」
70 耶穌應講：「我豈是揀恁十二人？亦恁中間一個是魔鬼啊！」
71 伊講按呢是指加略人西門的子猶大；因為伊是十二學生的一個，啲欲賣伊的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。