上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
36 「比撒列及亞何利亞伯，及攏總心有智慧的人，就是得著耶和華賞賜智慧聰明、互𪜶知做聖所逐樣路用的工的，攏著照耶和華所吩咐的做工。」
百姓奉獻禮物
2 摩西召比撒列、亞何利亞伯及見若心有智慧的人來，就是耶和華用智慧賞賜𪜶的心，心受感動來做工者。
3 𪜶對摩西提一切的禮物，就是以色列人為著做聖所及內面所用的物提來的。百姓逐早起猶原用甘心獻的禮物提來互伊。
4 見若做聖所的工諸個有智慧的人攏暫停𪜶所做的工，
5 來對摩西講：「百姓所提來的比耶和華命令做的工所著用的料，過額有剩。」
6 摩西出命，𪜶就宣佈佇全營講：「無論男女，莫得閣做甚麼來獻互聖所。」對按呢阻止百姓無閣提來。
7 因為𪜶所有的材料夠額通做一切所著做諸個工，續有剩。
造耶和華的會幕
8 ( 出 26:1-37 )
𪜶中間，見若心有智慧做工者，用十幅的帳做會幕。諸個帳是用過紡的幼苧及藍色、紫色、朱紅色的料，也用奇巧的工織成𠼻𡀔兵做伊。
9 每幅帳長二十八肘，闊四肘，帳攏是一樣的寸尺。
10 此五幅帳伊創互𪜶逐幅相連，彼五幅帳也逐幅相連；
11 佇此個相連的帳路尾幅的邊仔做藍色的紐襻，佇彼個相連的帳路尾幅的邊仔也按呢做；
12 伊佇此領帳做五十個紐襻，閣佇第二領帳相連的邊仔也做五十個紐襻，紐襻攏二個二個相對；
13 閣做五十個金鈎，用伊來鈎互帳相連。就成做一個會幕。
14 伊閣用山羊毛織十一幅的帳，做會幕頂的布棚。
15 每幅帳長三十肘，闊四肘；十一幅帳攏一樣的寸尺。
16 將五幅帳連做一幅，閣將六幅帳連做一幅；
17 佇此個相連的帳路尾幅的邊仔，伊做五十個紐襻，佇彼個相連路尾幅的邊仔也做五十個紐襻；
18 伊閣做五十個銅鈎，互布棚連做一個；
19 閣用染紅的羊皮做布棚的蓋，閣用海狗皮掛佇頂面。
20 伊用皂莢柴做會幕竪的板。
21 竪的板長十肘，闊一肘半；
22 逐塊板有二個榫相排。會幕一切的板攏照按呢做。
23 伊做會幕的板，南旁的南勢二十塊板。
24 佇諸個二十塊板的下面做四十個銀臼：一塊板的下面有二個臼來穿伊二支榫，閣一塊板的下面也有二個臼來穿伊二支榫。
25 會幕第二面，就是北面，也做板二十塊，
26 及𪜶的銀臼四十個：此個板的下面有二個臼，彼個板的下面也有二個臼。
27 會幕的後面，就是西面，也做六塊板。
28 會幕後面的二個角頭做二塊板。
29 板的下長，二個相同，直到頂面第一個環攏是完整的；二個角頭的板攏是按呢做。
30 有八個板及十六個銀臼，逐塊板的下面有二個臼。
31 伊用皂莢柴做橫楗：為著會幕此旁的板做五支，
32 為著會幕彼旁的板做五支，閣為著會幕後西面的板做五支，
33 板的對中彼支橫楗互伊對此頭到彼頭。
34 板用金包，閣做板的金環來套楗；楗也用金包。
35 閣用藍色、紫色、朱紅色的料，及過紡的幼苧織帳簾，此個帳簾用奇巧的工織成𠼻𡀔兵來做的。
36 閣用皂莢柴為著伊做四支柱，用金包伊，𪜶的鈎是金的，閣為著𪜶鑄四個銀臼。
37 用藍色、紫色、朱紅色的料，及過紡的幼苧，用綉花的工做布棚門的門簾；
38 及伊五支柱，及𪜶的鈎，𪜶的柱枓及橫杆用金包伊，彼五個臼是銅的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。