上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
34
閣造石碑
( 申 10:1-5 )
耶和華對摩西講：「你拍二塊石碑，及以前的相同，你前所拍破許個碑；彼頂面的字我欲寫佇諸個碑。
2 明仔早起，你著備辦便，透早你著上西奈山，佇遐佇山尾溜徛佇我面前。
3 通有人及你上來，遍山攏通看見有人，佇山腳也通互牛群羊群食草。」
4 伊就拍二塊石碑，及以前的相同。摩西透早起來，照耶和華所吩咐伊的上去西奈山，手裡提二塊石碑。
5 耶和華坐雲臨到，及伊徛佇遐，宣佈耶和華的名。
6 耶和華對伊的面前經過宣佈講：「耶和華，耶和華，是有憐憫有恩典的上帝，無快受氣，閣有豐盛的慈愛及誠實，
7 為千萬人存慈愛，赦免罪過、過失，及罪惡，決斷無掠有罪者做無罪，欲歸咎伊的罪，對父到子、到孫，到三、四代。」
8 摩西緊緊俯落地敬拜，講：
9 「主啊，我若得著恩典佇你的面前，求主佇阮中間相及行，因為這是頷頸硬的百姓。閣求你赦免阮的罪過及阮的罪惡，掠阮做你的產業。」
重新立約
10 ( 出 23:14-19 申 7:1-5 16:1-17 )
耶和華講：「看啊，我欲立約，欲佇你眾百姓的面前行奇妙的事，是天下萬國中所未曾行的。佇你四圍的眾百姓就欲看見耶和華的所做，因為我對你所行的是通驚的事。
11 「我今仔日所吩咐你的，你著執守。看啊，我欲對你的面前趕出亞摩利、迦南、赫、比利洗、希未、耶布斯許個族。
12 你家己謹慎，通及你所去彼所在徛起的百姓立約，驚了成做恁中間的羅網；
13 就是著拆𪜶的祭壇，拍碎𪜶雕刻的柱，剉𪜶的亞舍拉。
14 通敬拜別個上帝；因為耶和華的名稱做獨尊，伊是獨尊的上帝。
15 驚了你及彼所在徛起的百姓立約，𪜶隨𪜶的上帝行邪淫，祭祀𪜶的上帝，有人叫你，你就食伊的祭物，
16 閣驚了你給你的子娶𪜶的查某子做某，𪜶的查某子隨𪜶的上帝行邪淫，互你的子也隨𪜶的上帝行邪淫。
17 「你通為家己鑄造諸個上帝。
18 「你著守除酵節，照我所吩咐你的，佇亞筆月內所定著的日期食無酵餅七日，因為你佇亞筆月內出埃及。
19 見若頭胎的攏是我的；一切的精牲頭水的，無論是牛是羊，公的攏是我的。
20 頭水的驢著用羊仔替贖，若無替贖就著摃折伊的頷頸。見若你頭上的子攏著贖回。人來見我通空手。」
21 「你六日著做工，第七日著安息，佇栽種收割的時也著安息。
22 麥起頭熟收割的時著守七七日節；閣佇年尾著守收囥的節。
23 恁一切的查甫丁著一年三擺來見主耶和華──以色列的上帝。
24 我欲對你的面前趕出外邦人，開闊你的境界。你一年三擺上去見耶和華──你的上帝的時，的確無人貪你的土地。」
25 「你通將我的牲禮的血參有酵的物來獻。𨃟過節的祭物也通留到過早起。
26 地裡第一起頭熟的物著送到耶和華──你的上帝的厝。煮山羊仔通用伊的母的奶。」
27 耶和華對摩西講：「你著寫諸個話，因為我是照諸個話及你以及以色列立約。」
28 摩西及耶和華佇遐四十日四十暝，無食餅無飲水。伊將此個約的話，就是十條誡，寫佇二塊碑。
摩西落西奈山
29 摩西落西奈山的時伊的手提二塊約碑，伊落山的時伊的面因為耶和華及伊講話就射出光摩西家己知。
30 亞倫及以色列眾人看見摩西的時，看啊，伊的面射出光𪜶就驚敢倚近伊。
31 摩西叫𪜶來；亞倫及會中諸個頭人就攏倒轉到伊遐，摩西就及𪜶講話。
32 然後以色列眾人攏進前來，伊就將耶和華佇西奈山及伊所講一切的話攏吩咐𪜶。
33 摩西及𪜶講話明白就用帕罩面。
34 總是摩西入去耶和華面前及伊講話，帕就掀起來到伊出來，伊出來的時就將耶和華所吩咐的給以色列人講。
35 以色列人看見摩西的面，摩西的面射出光。摩西閣用帕罩面，聽候到伊入去及耶和華講話帕就掀起來。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。