上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
22
筵席的譬喻
( 路 14:15-24 )
耶穌應伊閣用譬喻給𪜶講：
2 「天國比並人君給伊的子備辦婚姻的筵席，
3 差伊的奴僕，召所請的來赴筵席，若是𪜶來。
4 閣差別個奴僕，講：『去給所請的講，我的桌已經備辦便，我的牛及肥的精牲已經刣，百項物攏便，著來赴筵席。』
5 𪜶無要緊做𪜶去；一個去伊的田園；一個去伊的生理場；
6 其餘的掠伊的奴僕，凌辱𪜶，刣𪜶。
7 人君受氣，差伊的軍兵剿滅許個兇犯，續燒𪜶的城。
8 就給伊的奴僕講：『婚姻的筵席已經便，若是所請的𣍐堪得。
9 所以恁去大路頭，見若所抵著的，攏請伊來赴筵席。』
10 許個奴僕出去路裡，聚集凡所抵著的，無論好歹，婚姻的客廳人客就滿。
11 人君入去看人客，看見佇遐一人無穿禮服，
12 給伊講：『朋友啊，你無穿婚姻的禮服，怎樣入來遮？』伊就靜靜。
13 彼時人君給諸個差用講：『縛伊的腳手，將伊㧒佇外面黑暗的所在；佇遐欲有啼哭咬牙切齒。』
14 因為受召的多，受揀的少。」
納稅互該撒的問題
15 ( 可 12:13-17 路 20:19-26 )
彼時，法利賽人去參詳，看通怎樣就伊的話來罩伊，
16 就差𪜶的學生及希律黨就近伊，講：「先生啊，阮知你是真實，閣用真實將上帝的路教示人，你也無掠甚麼人做要緊，因為你無看人的外貌。
17 納稅互該撒合宜抑無？你拍算怎樣？請給阮講。」
18 耶穌知𪜶的歹，就講：「假好的人啊，啥事試我？
19 用納稅的銀仔互我看！」𪜶就提一個銀仔互伊。
20 耶穌給𪜶講：「此個像及號是是誰？」
21 給伊講：「該撒。」伊就給𪜶講：「按呢，恁著將該撒的物納互該撒；將上帝的物納互上帝。」
22 𪜶聽見就奇怪，離開伊去。
復活的問題
23 ( 可 12:18-27 路 20:27-40 )
彼日有撒都該人，就是講人無復活的。就近伊問講：
24 「先生啊，摩西講：『人死，也無子，伊的小弟著娶伊的某，生子來續接伊的兄。』
25 今阮中間有兄弟七人，大的娶，就死去，無子，留伊的某互小弟。
26 第二個，第三個，到第七個，也攏是按呢。
27 到尾，彼個婦仁人也死。
28 按呢，佇復活的時，七人中婦仁人欲做是誰的某？因為攏有娶伊。」
29 耶穌應伊講：「恁錯啦；因為恁識聖經，及上帝的權能。
30 因為復活的時，無嫁無娶，是親像天使佇天裡。
31 論到死人復活，豈未讀著上帝所給恁講的？
32 講：『我就是亞伯拉罕的上帝，以撒的上帝，雅各的上帝。』伊是死人的上帝，是活人的上帝。」
33 眾人聽見，奇怪伊的教示。
最大的誡命
34 ( 可 12:28-34 路 10:25-28 )
法利賽人聽見伊已經塞密撒都該人的嘴，就相及聚集。
35 其中一人做教法師的，試伊，問講：
36 「先生啊，律法中甚麼誡最大？」
37 伊給伊講：「你著盡心、盡性、盡意疼主──你的上帝。
38 此個誡是大的，也是頭一個。
39 第二個也相親像，是講，你著疼厝邊親像家己。
40 此二條誡是全律法及先知的總根頭。」
大衛子孫的問題
41 ( 可 12:35-37 路 20:42-44 )
法利賽人聚集的時，耶穌問𪜶講：
42 「論基督，恁拍算怎樣？伊是是誰的後裔？」𪜶給伊講：「是大衛的。」
43 伊給𪜶講：「按呢，就大衛互聖神感動，怎樣稱伊做主啊，講：
44 主給我的主講：
坐我的大旁，
聽候我將你諸個對敵下佇你的腳下。
45 大衛既然稱伊做主，就基督怎樣做伊的後裔啊？」
46 無人會應伊一句。對彼日，也無人敢閣問伊。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。