上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
14
行洗禮約翰的死
( 可 6:14-29 路 9:7-9 )
當彼時，分封的人君希律聽見耶穌的名聲，
2 就給伊的差用講：「此個就是行洗禮的約翰，伊是對死人中復活，所以有諸個權能對伊顯出。」
3 因為前，希律為著伊的兄弟腓力的某希羅底的緣故，有掠約翰縛伊，關落監。
4 因為約翰曾給伊講：「你接納此個婦仁人是不法。」
5 希律愛刣伊，獨獨驚百姓，因為𪜶掠約翰做先知。
6 抵著希律做生日，希羅底的查某子跳舞佇𪜶中間，來互希律歡喜。
7 對按呢咒誓，允欲照伊所愛求的攏互伊。
8 伊互𪜶老母使唆，就講：「將行洗禮約翰的頭殼貯佇盤裡，就遮互我。」
9 王真憂悶，總是為著所咒的誓，閣有同桌的人佇啲，就命令互伊；
10 差人去監裡刣約翰。
11 將伊的頭殼貯佇盤裡，來互查某囝仔；伊就捧去互伊的老母。
12 伊的學生來，收伊的身屍去埋葬，就去給耶穌講。
耶穌互五千人食飽
13 ( 可 6:30-44 路 9:10-17 約 6:1-14 )
耶穌聽見，就上船對遐退去曠野，家己住。眾人聽見，就對諸個城步行隨伊。
14 伊出去，看見歸大陣的人，就憐憫𪜶，醫好𪜶中間有病的。
15 日晚晡，學生就近伊，講：「遮是曠野，閣時已經過，著互眾人四散，通去鄉社買食。」
16 耶穌給𪜶講：「𪜶免去，恁互𪜶食！」
17 𪜶給伊講：「阮佇遮只有五個餅，二尾魚。」
18 伊講：「提來互我。」
19 就吩咐眾人坐佇草埔，就提彼五個餅，二尾魚，向天來祝謝，擘餅互學生，學生互眾人。
20 攏食到飽，拾所剩的屑仔，滿十二筐。
21 食的人，婦仁人囝仔以外，約略五千。
耶穌行海面
22 ( 可 6:45-52 約 6:15-21 )
伊隨時迫學生上船，代先過去彼旁，聽候伊四散眾人。
23 四散眾人了後，就家己上山祈禱。已經暗，只有伊家己佇遐。
24 彼時船佇海中，互湧搖泏，因為是對頭風。
25 暝時四更，耶穌對海面行，就近𪜶。
26 學生看見伊行佇海面，就生驚，講：「是怪物！」因為驚，就喉叫。
27 耶穌連鞭及𪜶講話，講：「安恁的心，是我，免驚！」
28 彼得應伊講：「主啊！果然是你，就命令我行水面就近你。」
29 伊講：「來。」彼得就對船裡落去，行水面，欲就近耶穌；
30 總是看見風，就驚，啲欲沈落去，就喉叫講：「主啊，救我！」
31 耶穌隨時伸手牽伊，講：「小信的人，啥事僥疑？」
32 𪜶上船，風就定。
33 船裡的人拜伊，講：「你真正是上帝的子。」
醫好革尼撒勒的病人
34 ( 可 6:53-56 )
已經過去，就到革尼撒勒地。
35 彼位的人識伊，差人去四方，導一切有病的來就近伊，
36 求伊若使互𪜶摸伊的衫仔裾的鬚；見若摸的人齊全好。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。