上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
11 耶穌吩咐伊十二個學生明白，就離開遐，欲佇𪜶許個城教示人及傳道。
行洗禮約翰的學生來見耶穌
2 ( 路 7:18-35 )
約翰佇監裡聽見基督所行的事，就差學生問伊講：
3 「所欲來的是你嗎？抑是阮著向望別人啊？」
4 耶穌應講：「恁著去，將恁所聽見所看見、的給約翰講。
5 就是睛瞑者看見，跛腳者行，癩𰣻者清氣，臭耳聾者聽見，死的人復活，喪鄉人得著聽福音。
6 見若無佇我來著觸的有福氣！」
7 𪜶去的時，耶穌才提起約翰給眾人講：「恁前出去曠野欲看甚麼？是蘆竹互風吹振動嗎？
8 恁出去愛看甚麼？是人穿幼軟的衣裳嗎？你看，穿幼軟的是佇王宮。
9 若是按呢恁出去欲啥事？是欲看先知嗎？是啦。我給恁講，伊是猶卡贏過先知。
10 此人就是經裡所指的講：『我差我的使者佇你的面前，伊欲佇你的頭前備辦你的路』。
11 我實在給恁講，婦仁人所生的，從中未有興起卡大佇行洗禮的約翰；總是佇天國的微細的，猶卡大伊。
12 對行洗禮約翰的時日到今，天國互人強強取，強的人用力取伊。
13 因為眾先知及律法有讖語，到約翰的時。
14 恁若甘願承受，此人就是啲欲來的以利亞。
15 有耳孔通聽的，著聽！
16 此世代我欲用甚麼來比並伊？是親像囝仔坐佇街市裡來叫𪜶的同伴，講：
17 阮對恁歕笛仔，
恁無跳舞；
阮曾悲哀，
恁無搥胸。
18 因為約翰來，無食無飲，人就講伊患著鬼；
19 人子來，亦食亦飲，人就講伊是貪食好酒的人，抽餉及歹人的朋友。若是智慧對伊的所行顯明伊是著。」
耶穌責備反悔的城
20 ( 路 10:13-15 )
耶穌曾佇許個城行多多權能，因為𪜶攏無反悔，彼時才責備𪜶，講：
21 「哥拉汛啊，你有災禍！伯賽大啊，你有災禍！因為佇恁中間所行諸個權能，若有行佇推羅及西頓，𪜶就早早穿麻衫摻火灰來反悔。
22 若是我給恁講，當審判的日，推羅及西頓比恁猶卡快擔當！
23 迦百農啊，你豈會得著舉起到天嗎？你欲墜落陰府；因為佇你的中間所行諸個權能，若有行佇所多瑪，就到今仔日伊猶佇啲。
24 若是我給恁講，當審判的日，所多瑪的地方，比你卡快擔當！」
來就近我
25 ( 路 10:21-22 )
當彼時，耶穌應講：「父啊，天地的主，我謳咾你！因為你將諸個事對智慧聰明的有隱密伊，對細子有顯明伊。
26 父啊，是啦，因為你看按呢做歡喜。
27 萬項有，對我的父交付我；父以外，無一個識子；子及子所愛欲指示的以外，無一個識父。
28 恁見若著磨擔重擔的著就近我，我欲互恁安息。
29 我心內溫柔謙遜，恁背我的軛，來對我學；就恁的心神會得著安息。
30 因為我的軛是快，我的擔是輕。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。