上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
9
醫好半病的人
( 可 2:1-12 路 5:17-26 )
耶穌落船，過海，去到伊的本城。
2 抵當有人扛一個半𤻄者倒佇舖仔裡來就近伊。耶穌看見𪜶的信，就給半𤻄者講：「子啊，做你安心！你的罪赦啦。」
3 有經學士幾若人心內講：「此人僭權濫糝講。」
4 耶穌知𪜶的心意，就講：「恁啥事心內囥歹意思啊？
5 講『你的罪赦』，抑是講『起來行』，叨落一項卡快？
6 總是欲互恁知，人子佇地裡有權通赦罪」；就給半𤻄者講：「起來！夯你的舖仔倒去你的厝。」
7 伊就起來，倒去伊的厝。
8 眾人看見就驚，歸榮光上帝，就是用此號權互人的。
呼召馬太
9 ( 可 2:13-17 路 5:27-32 )
耶穌對遐經過，看見一人名馬太，坐佇餉關；就給伊講：「隨我。」伊就起來隨伊。
10 耶穌坐桌佇伊的厝，有多多抽餉者及歹人來，及耶穌參伊的學生同坐。
11 法利賽人看見，給伊的學生講：「恁先生啥事及抽餉者以及歹人相及食？」
12 耶穌聽見，就講：「勇健的人無欠用醫生，獨獨破病的就著。
13 總是，『我愛憐憫，愛祭祀。』此句甚麼意義，恁著去學。因為我來是欲招義人，是欲招歹人。」
禁食的問題
14 ( 可 2:18-22 路 5:33-39 )
彼時，約翰的學生就近伊，講：「阮及法利賽人沓沓禁食，若是你的學生無禁食，是怎樣？」
15 耶穌給𪜶講：「新子婿及賀娶的人相及佇啲，賀娶的人豈會哀傷嗎？獨獨時日欲到，新子婿對𪜶中間無去，彼時𪜶就欲禁食。
16 無人用新布補舊衫；因為所補的彼塊會糾裂彼領衫，伊的破孔閣卡大。
17 人也無用新酒貯佇舊皮囊；若是有，就囊裂，酒漏，囊亦續歹。獨獨用新酒貯佇新皮囊，就二項攏保全。」
管會堂者的查某子及血漏的婦仁人
18 ( 可 5:21-43 路 8:40-56 )
講諸個話的時，抵當有一個官來拜伊，講：「我的查某子抵仔死，總是你來用手摸伊，伊就會活。」
19 耶穌起來隨伊去；伊的學生亦去。
20 抵當有一個婦仁人，血漏十二年，行倚伊的尻脊後，摸伊衫仔裾的鬚；
21 因為伊心內拍算講：「我干單摸伊的衫，就會好。」
22 耶穌越轉身，看伊，就講：「婦仁人啊，做你安心！你的信互你好啦。」對彼時，婦仁人就好。
23 耶穌到彼個官的厝，看見歕笛仔的，也有眾人啲哭，
24 就講：「退去！因為查某囝仔是死，是啲睏。」𪜶就冷笑伊。
25 已經趕眾人出，就入去，牽伊的手，查某囝仔就起來。
26 此個風聲遍傳佇彼個地方。
二個睛瞑人得著醫好
27 耶穌對遐經過，有二個睛瞑人隨伊，叫講：「大衛的後裔，憐憫阮！」
28 已經入厝，睛瞑人就近伊。耶穌給𪜶講：「恁信我會做此個事嗎？」應講：「主啊，有。」
29 伊就摸𪜶的目睭，講：「照恁的信給恁做成。」
30 𪜶的目睭就開。耶穌嚴嚴吩咐𪜶講：「謹慎，莫得互人知。」
31 若是𪜶出去，遍傳伊的名佇彼地方。
醫好啞口
32 𪜶出去的時，抵當有人導一個啞口患著鬼者來就近耶穌。
33 鬼已經趕出，啞口者就講話。許個眾人攏奇怪，講：「以色列中，未曾看見按呢。」
34 若是法利賽人講：「伊倚靠鬼王來趕鬼。」
耶穌的憐憫
35 耶穌遍行諸個城諸個鄉社，佇𪜶的會堂教示人，傳天國的福音，醫好逐樣的症頭逐樣的病疼。
36 伊看見許個眾人，就可憐𪜶；因為𪜶困苦四散，親像羊無牧者。
37 對按呢就給伊的學生講：「通收成的是多，做工者是少。
38 所以，恁著求園主迫工去給伊收成。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。