上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
5
山頂寶訓
耶穌看見許個歸陣的人，就絔上山，已經坐，伊的學生就近伊，
2 伊開嘴教示𪜶，講：
論福
3 ( 路 6:20-23 )
心內喪鄉的人有福氣！
因為天國是𪜶的。
4 憂悶的人有福氣！
因為𪜶欲受安慰。
5 溫柔的人有福氣！
因為𪜶欲承接土地，
6 枵嘴乾欣慕義的人有福氣！
因為𪜶欲得著飽，
7 憐憫人的人有福氣！
因為𪜶欲得著憐憫，
8 清氣心肝的人有福氣！
因為𪜶欲看見上帝。
9 互人和平的人有福氣！
因為𪜶欲稱做上帝的子。
10 為著義曾受窘逐的人有福氣！
因為天國是𪜶的。
11 「為著我人才詈罵恁，窘逐恁，誹謗恁萬項的歹，恁就有福氣！
12 著歡喜快樂，因為恁佇天裡的報賞是大。因為恁以前的先知人，人亦按呢窘逐𪜶。」
鹽及光
13 ( 可 9:50 路 14:34-35 )
「恁是地上的鹽。鹽若失味，欲用甚麼互伊鹹？後來無路用，不過㧒佇外面，互人𧿬踏若定。
14 恁是世間的光。城起佇山頂𣍐會隱密。
15 無人點燈，下佇斗下，就是下佇燈台頂，就遍照厝內的人。
16 按呢恁的光著照佇人的面前，互𪜶看見恁的好所行，來歸榮光互恁佇天裡的父。」
論律法
17 「莫得拍算我來是欲廢無律法抑是先知。我來是欲廢無，是欲應驗。
18 因為我實在給恁講，就到天地廢無，律法的一點一畫亦決斷𣍐廢無，到攏總成。
19 所以，見若毀壞諸個誡命至微細的一條，續按呢教示人的，佇天國欲稱伊做至微細。獨獨見若行續教示人的，佇天國欲稱伊做大。
20 因為我給恁講，設使恁的義無贏過經學士及法利賽人的義，決斷𣍐得入天國。」
論受氣
21 「恁曾聽見有對古早人講：『通害死人；害死人的著受審判。』
22 總是我給恁講，見若受氣伊的兄弟的，著受審判；見若對伊的兄弟講拉加的，著受公會辦；見若講魔利的，著受地獄的火。
23 所以，你若啲獻你的禮物佇祭壇，也佇遐記得你的兄弟有甚麼脅嫌你，
24 著佇遐放下你的禮物佇壇前，代先去及你的兄弟和好，然後來獻你的禮物。
25 你猶及你的對敵佇路裡，著緊緊及伊和，驚了對敵交你互審判官，審判官交你互衙役，你就受關落監。
26 我實在給你講，一絲一毫未還，你決斷𣍐會出遐。」
論姦淫
27 「恁曾聽見有話講：『通行姦淫。』
28 若是我給恁講，見若看見婦女來動起慾念的，心內已經淫伊。
29 設使你的正目致到你犯罪，就著挖㧒擲，寧可百體喪失一體，免致你全身㧒落地獄。
30 設使你的正手致到你犯罪，就著斬㧒擲，寧可百體喪失一體，免致你全身去地獄。」
論離婚
31 ( 太 19:9 可 10:11-12 路 16:18 )
「閣有話講：『人若欲離伊的某，著用離書互伊。』
32 若是我給恁講，見若是為著姦淫的緣故，來離伊的某，便是互伊做有淫行的；見若娶所離的，亦是行姦淫。」
論咒誓
33 「閣恁曾聽見有對古早人講：『通背咒誓，你所咒的誓著還互主。』
34 若是我給恁講，一概莫得咒誓。莫得指天，因為天是上帝的座位；
35 莫得指地，因為地是伊的腳踏；莫得指耶路撒冷，因為是大人君的城；
36 亦莫得指你的頭殼來咒誓，因為一支頭毛你𣍐互伊做黑做白。
37 若是恁的話著講，是，就是；是，就是；諸個以外是對彼個歹的出。」
論報復
38 ( 路 6:29-30 )
「恁曾聽見有話講：『目睭賠目睭，嘴齒賠嘴齒。』
39 若是我給恁講，莫得及歹抵敵。若有人搧你正旁的嘴䩃，倒旁的亦越互伊；
40 有人愛告你，提你的內衫，外衫亦放互伊；
41 有人勉強你行一里，就及伊行二里；
42 對你求的，互伊；欲給你借的，莫得越走。」
論疼對敵
43 ( 路 6:27-28,32-36 )
「恁曾聽見有話講：『著疼你的厝邊，怨恨你的對敵。』
44 若是我給恁講，對敵恁的著疼𪜶，窘逐恁的著替𪜶祈禱。
45 互恁成做恁佇天裡的父的子；因為伊互伊的日起來照歹人及好人；亦用雨沃義及不義的人。
46 因為恁若疼疼恁的，有甚麼報賞？許個抽餉者豈無按呢行嗎？
47 恁干單請安恁的兄弟，有甚麼卡贏人？外邦人豈無按呢行嗎？
48 所以，恁著純全，親像恁的天父的純全。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。