上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
27
祭壇
( 出 38:1-7 )
「你著用皂莢柴做壇。長五肘，闊五肘，此個壇是四方的，高三肘。
2 著佇壇的四角頭做四支角，及壇相連做一個，用銅包伊。
3 著做盆，來收伊的灰，閣做伊的托仔、伊的盤、伊的叉、伊的火鼎；伊一切的器具攏用銅做。
4 著用銅給伊做一個網，佇網的四角做四個銅環，
5 用網下佇壇四面圍腰板的下面，互網透到壇的半腰。
6 著用皂莢柴給壇做槓，用銅包伊。
7 許個槓著串佇環內槓著佇壇的雙旁，來扛伊。
8 著用板做壇，中央空殼，攏著照山頂指示你的款式來做。」
會幕的四圍
9 ( 出 38:9-20 )
「你著做會幕的場。場的南面的南勢著用過紡的幼苧做帷佇一旁，長一百肘。
10 伊的柱二十支，銅臼二十個。柱的鈎及橫杆攏著用銀做伊。
11 北面也著有帷，長一百肘，伊的柱二十支，銅臼二十個。柱的鈎及橫杆攏著用銀做。
12 場的西面著有帷，闊五十肘，帷的柱十支，臼十個。
13 場的東面的東勢闊五十肘。
14 門此旁的帷著十五肘，帷的柱三支，臼三個，
15 門彼旁的帷也著十五肘，帷的柱三支，臼三個。
16 場的門著有門簾，闊二十肘，著用藍色、紫色、朱紅色的料，及過紡的幼苧，用綉花的工做，柱四支，臼四個。
17 場四圍一切的柱攏著有銀的橫杆，銀的鈎，銅的臼。
18 場的長一百肘，闊逐面五十肘，高五肘，帷著用過紡的幼苧做，伊的臼攏用銅做。
19 會幕所用逐項的器具，及所釘的釘，以及場內所釘的釘，攏著用銅做。」
點燈的條例
20 ( 利 24:1-4 )
「你著吩咐以色列人，將彼個為著欲照光所夾清的橄欖油提來互你，互燈常常點啲。
21 佇會幕中法櫃前的帳簾外，亞倫及伊的子，對下昏到天光，著佇耶和華面前料理伊。是做以色列人代代永遠的例。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。