上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
46
君王及節期
主耶和華按呢講：「內院向東的門，佇做工的六日內的確著關；獨獨佇安息日著開，月的初一也著開。
2 人君著對此個門的廊對外面入，徛佇門竪邊。祭司著備辦伊的燒祭及伊的謝恩祭，伊著佇門椗彼叨敬拜，然後出去。此個門到下昏時通關。
3 佇諸個安息日及月的初一，國內的百姓著佇此個門口，敬拜佇耶和華的面前。
4 人君佇安息日，所著獻互耶和華的燒祭，著無瑕疵的羊羔六隻，無瑕疵的綿羊牨一隻；
5 伊的素祭為著彼隻綿羊牨著一個伊法，為著許個羊羔的素祭是照伊的力量，一個伊法配油一欣。
6 當月的初一，著獻無瑕疵的牛牨一隻，羊羔六隻，綿羊牨一隻，攏著無瑕疵的。
7 伊也著備辦素祭，為著牛牨獻一個伊法，為著綿羊牨獻一個伊法，為著許個羊羔就照伊的力量，一個伊法配油一欣。
8 人君入來的時著對此個門的廊入，也著對此個路出。
9 「佇逐個節期，國內的百姓朝見耶和華的時，對北門入來敬拜的，著對南門出去；對南門入來的，著對北門出去。通對所入的門越倒轉，著直直進前出去。
10 百姓入去的時，人君也著佇𪜶的中間入去；百姓出去，人君也著及𪜶出去。
11 「佇節期及大會的時，素祭著為著一隻牛牨獻一個伊法，為著一隻綿羊牨獻一個伊法，為著許個羊羔就照伊的力量，一個伊法配油一欣。
12 人君若備辦甘心的祭，燒祭抑是謝恩祭，做甘心的祭獻互耶和華，著有人給伊開向東的門。伊著備辦伊的燒祭及伊的謝恩祭，親像佇安息日所做一樣，然後伊著出去。出去了，著有人給伊關門。」
逐日的祭
13 「逐日，你著備辦無瑕疵未滿年的羊羔一隻，做燒祭獻互耶和華；逐早起著備辦伊。
14 逐早起也著備辦相及獻的素祭，一伊法六份的一份，及一欣油三份的一份，摶和麵粉。此個素祭著常常獻互耶和華做永遠定著的例。
15 逐早起𪜶著按呢備辦羊羔、素祭，及油做常常獻的燒祭。」
王及土地
16 主耶和華按呢講：「人君若將產業互伊的子的一個，就是做伊的業，歸佇伊許個子是𪜶承接做業的。
17 總是伊若將伊的產業的一份互伊的人臣的一個，是做人臣的到自由的年，彼時猶原歸佇人君。論到伊的產業，著留互伊許個子。
18 人君通搶奪百姓的產業，來趕𪜶離開𪜶所承接的；伊著對家己的業中，將產業互伊的子；免得我的百姓四散，逐人離開伊所承接的。」
聖殿的灶腳
19 伊就導我對門邊的路入來，到祭司向北許個聖的房間，看啊，後面西勢有一所在。
20 伊就給我講：「這是祭司煮補過失祭及贖罪祭，以及煏素祭的所在；免得帶到外院，互百姓成做聖。」
21 伊閣導我出去到外院，互我經過院四個角頭，看啊，佇彼個院逐個角頭各有一個院。
22 佇院的四角頭有院，四面有牆圍啲，逐個院長四十肘，闊三十。四個角頭的院，𪜶的寸尺攏一樣，
23 四個院的周圍有起一列，伊的下面攏有煮物的所在。
24 伊給我講：「諸個就是煮物的灶腳，殿內諸個做差用者佇遮煮百姓的祭祀。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。