上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
41 伊閣導我到殿遐量許個柱；此面闊六肘，彼面闊六肘，闊狹及布棚相同。
2 門口闊十肘。門的雙旁邊，此旁五肘，彼旁五肘。伊量伊的長四十肘，闊二十肘。
3 伊到內面量門口的柱，二肘。門口六肘，門口的闊七肘。
4 伊量伊的長二十肘，闊二十肘，佇殿的前面；伊對我講：「這是至聖所。」
倚聖殿牆邊的邊房
5 伊量厝的牆，六肘；厝四周圍的邊房，各闊四肘。
6 邊旁有三層，此層疊佇彼層的頂面，逐層有三十間。此個厝另外有一片牆做四圍邊房的路用，互伊的楹仔通靠佇遐，免得靠佇厝的牆。
7 諸個四圍的邊房愈高愈闊；因為厝的圍佇厝的四面愈高，所以厝的闊直直到頂面，對下層到頂層，著對中層上去。
8 我閣看見厝的四圍有高的坅。邊房的地基，高足足一科尺，就是六大肘。
9 邊房外面的牆厚五肘。所剩的地就是厝的邊房的所在。
10 四面圍厝許個房間，相離二十肘的闊。
11 邊房的門攏向所剩的地：一個門向北，一個門向南。四圍所剩的地攏闊五肘。
12 佇西旁另外隔開的地頭前的厝宅，闊七十肘，伊的牆四圍厚五肘，長九十肘。
聖殿的寸尺
13 按呢，伊量厝，長一百肘，也量隔開的所在及所起造的及伊的牆，共長一百肘。
14 厝的前面及向東隔開的地，闊一百肘。
15 伊量後面隔開的地頭前的厝宅，以及此旁彼旁樓的廊，長一百肘，閣量內殿及院的廊。
聖殿的內部
16 伊的戶椗，伊的關密的窗仔，伊的四圍三層的樓的廊，佇戶椗的對面，四圍的牆攏揞柴板，對土腳到窗仔（窗仔攏有遮蓋），
17 直到門的頂面，就是到內面的厝及外面，內外四圍的牆壁，攏照寸尺。
18 有刻𠼻𡀔兵及棕樹。二個𠼻𡀔兵的中間有一欉的棕樹，𠼻𡀔兵逐個有二個面。
19 此旁有人的面向棕樹，彼旁有獅的面向棕樹，厝內四圍攏是按呢。
20 對土腳到門頂，攏有刻𠼻𡀔兵及棕樹。殿的牆攏是按呢。
21 殿的門竪是四方的。至聖所的前面，款式親像殿的款式。
22 壇是柴做的，高三肘，長二肘。伊的角伊的座，及伊的四邊，攏是柴做的。伊對我講：「這是耶和華面前的桌」。
23 殿及至聖所有二個門，
24 逐個門有二扇。此個二扇是會拗得的。此個門二扇，彼個門也二扇。
25 殿的門頂有刻𠼻𡀔兵及棕樹，及刻佇牆頂的一樣。佇外面廊的頭前有厚的柴板。
26 廊的邊頭此旁彼旁攏有關密的窗仔及棕樹；厝的邊房及厚的柴板攏是按呢。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。