上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
35
上帝刑罰以東
耶和華的話臨到我講：
2 「人子啊，你著面向西珥山宣傳，來攻擊伊，
3 對伊講，主耶和華按呢講：看啊，西珥山啊，我及你做對敵，我欲伸手攻擊你，互你冷靜，通互人卬愕。
4 我欲互你諸個城變做拋荒，互你冷靜。你就知我是耶和華。
5 因為你囥永遠的怨恨，佇以色列族抵著災禍，罪過結局的時，你將𪜶交互刀劍的勢力，
6 所以主耶和華按呢講：我指我的永活來咒誓，我的確互你抵著流血的報應，罪的確追趕你；你已經無怨恨刣人流血，所以此個罪的確追趇你。
7 我欲互西珥山拋荒冷靜，對遐往來的人我欲剪除伊。
8 我欲互伊許個山，受刣的人滿滿。互刀劍刣死者，欲倒佇你的小山，及山谷，及一切的坑溝。
9 我欲互你永遠拋荒，你諸個城的確無人徛起，就恁的確知我是耶和華。
10 「因為恁講：『此二國二個地方攏欲歸我，阮欲得著』（其實耶和華佇遐），
11 所以主耶和華按呢講：我指我的永活來咒誓，我欲照你的受氣，及照你為著怨恨來行佇𪜶的怨妒款待你。就我審判你的時，欲顯明家己佇𪜶中間。
12 你就知我──耶和華已經聽見你攻擊以色列諸個山所講的謗瀆，是講：『拋荒啦，𪜶已經交佇阮，互阮通吞伊。』
13 閣恁用嘴向我來家己誇口，加添恁諸個話來攻擊我，我聽見啦。
14 主耶和華按呢講：當全地歡喜的時，我欲互你拋荒。
15 你因為以色列家的基業拋荒來歡喜，我也欲按呢款待你。西珥山啊，你欲拋荒以及以東全地也按呢。𪜶就知我是耶和華。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。