上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
25
預言亞捫受責罰
耶和華的話臨到我講：
2 「人子啊，你著面向亞捫族宣傳，攻擊𪜶，
3 講：恁著聽主耶和華的話。主耶和華按呢講：我的聖所受拍垃墋，以色列地抵著拋荒，猶大家互人掠；彼時，你因為諸個事用話攻擊𪜶講：『呼哉！』
4 看啊，所以我欲將你交互東方的人做業；𪜶欲佇你的所在紮營徛起，食你的果子，飲你的奶。
5 我欲互拉巴做駱駝的，互亞捫族的地做羊群倒的所在，恁就知我是耶和華。」
6 主耶和華按呢講：「因為你搭手頓腳，滿心藐視，向以色列地歡喜，
7 看啊，所以我伸我的手攻擊你，將你交互列國搶去。我欲對列邦中剪除你，互你佇萬國中敗無。我欲除滅你，你就知我是耶和華。」
責備摩押
8 主耶和華按呢講：「因為摩押及西珥有啲講：『看啊，猶大家及眾國無各樣』，
9 看啊，因為按呢我欲開摩押的邊界對諸個城，對伊邊界諸個城做伊本國的榮光的，就是伯‧耶西末、巴力‧免、基列亭，
10 互伊及亞捫族攏交佇東方的百姓做業，互亞捫族無閣受記念佇列邦中。
11 我也欲審判摩押，𪜶就知我是耶和華。」
責備以東
12 主耶和華按呢講：「因為以東的所行，就是攻擊猶大家來報讎，對𪜶的報讎，來犯重罪，
13 所以主耶和華按呢講：我欲伸我的手攻擊以東，剪除𪜶遐的人及精牲，互伊拋荒對提幔，到底但，人攏死佇刀下。
14 閣我欲用我的百姓以色列的手來報我的仇讎佇以東；𪜶欲照我的受氣，照我的大受氣來行佇以東，就𪜶欲知我的報讎。這是主耶和華講的。」
責備非利士
15 主耶和華按呢講：「因為非利士人行報讎，存心藐視來報讎，結死怨，欲剿滅𪜶，
16 所以主耶和華按呢講：看啊，我欲伸我的手攻擊非利士人，我欲剪除基提人，滅無沿海所剩的百姓。
17 我欲用大受氣的責罰，對𪜶行大的報讎。我對𪜶報讎的時，𪜶就知我是耶和華。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。