上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
24
生銹的鼎
第九年十月初十日，耶和華的話閣臨到我講：
2 「人子啊，今仔日抵抵是巴比倫王就近耶路撒冷的日，你著將今仔日記伊的名，
3 著對此個悖逆的家設譬喻講，主耶和華按呢講：
將鼎祀佇火裡，
已經祀好，就傾水佇內面；
4 將肉塊，就是一切肥媠的肉塊、前腿後腿，
攏拾下佇內面，
揀好的骨疊互伊滿；
5 取羊群中第一好的，將柴疊佇鼎下，
互鼎滾沖沖，
通將骨𤉙佇彼內面。
6 「主耶和華按呢講：有災禍啊！此個互人流血的城，就是生銹的鼎。伊的銹猶未除去，著將肉塊對彼中間一塊一塊提出來，無給伊拈鬮。
7 城中有受刣的人的血，傾佇光光的石磐頂，無傾佇地裡，通用土蓋。
8 此個城內所流的血，傾佇光光的石磐頂，無通遮蓋，是我互伊按呢，為著欲激大受氣行報應。
9 所以主耶和華按呢講：有災禍啊！此個互人流血的城，我亦欲疊大堆的火柴，
10 添柴互火真炎，將肉炤爛，將湯熬洘，互骨灰嚕去；
11 將鼎傾空祀佇啲𤏸的炭頂，互鼎煏熱互銅燒紅，鎔其中的污穢，除彼頂面的銹。
12 伊著磨厭倦，總是所生大大的銹猶原無落；伊的銹就若佇火裡亦𣍐除去。
13 佇你的污穢中有淫行，我曾清氣你，你猶久無清氣。所以你的污穢𣍐閣得著清氣，到我對你發出的大受氣息。
14 我──耶和華曾講伊，彼個事的確成，我也欲行伊，的確無反覆，的確無憐憫，亦無退悔。人欲照你的舉動照你的行做審判你。這是主耶和華講的。」
先知的某的死
15 耶和華的話閣臨到我講：
16 「人子啊，看啊，我欲將你的目睭所意愛者忽然取去，總是你通悲哀啼哭，亦通流目屎，
17 獨獨通暗靜吐氣，通出聲，通辦理喪事；頭殼猶原著包頭巾，腳猶原著穿鞋，通掩你的嘴唇，也通食弔喪的餅。」
18 對按呢我將此個事早起時給百姓講，下昏我的某就死。隔早起我就趁命令來行。
19 百姓問我講：「你按呢做及阮有甚麼干涉，你豈可無給阮講？」
20 我應𪜶講：「耶和華的話臨到我講：
21 『你著給以色列家講，主耶和華按呢講：看啊，我欲拍垃墋我的聖所，就是恁的勢力所誇口，恁的目睭所意愛，恁的心所疼惜者，閣恁所留佇遐的子查某子欲倒佇刀下。
22 彼時，恁欲照我所行的來行，無掩恁的嘴唇，亦無食弔喪的餅。
23 恁的頭殼猶原包頭巾，腳欲穿鞋；無悲哀無啼哭。恁欲佇恁的罪惡中消滅，相對面吐氣。
24 以西結欲按呢做恁的兆頭；凡若伊所行的，恁亦欲按呢行。此個代誌若到，恁就知我是耶和華。』
25 「人子啊，當我除去𪜶所倚靠的，及𪜶所歡喜的榮光，𪜶的目睭所意愛者，𪜶的心所疼惜者就是𪜶的子兒。
26 彼日得著脫離的人豈無來你遮，互你親耳聽見此個事嗎？
27 當彼日，你的嘴就開，你就及得著脫離的人講話，無閣啞口。你欲按呢做𪜶的兆頭，𪜶就知我是耶和華。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。