上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
18 耶和華的話閣臨到我講：
2 「恁佇以色列地啥事用此個俗語講『老父食酸的葡萄，子的嘴齒酸軟』？」
3 主耶和華講：「我指我的永活咒誓講，恁佇以色列中，無因由通閣用此個俗語。
4 看啊，攏總的神魂是屬佇我；親像老父的神魂屬佇我，子的神魂也是按呢；犯罪的神魂，伊欲死。
5 「人若公義，行公平及義理：
6 未曾上山頂食祭物，未曾仰望以色列家的偶像，未曾拍垃墋厝邊的某，未曾親近經期內的婦仁人，
7 未曾虧負人，是將欠債的人的當頭還伊；未曾強搶人的物，是用食物互枵的人食，用衣裳互褪裼的人穿；
8 未曾給借錢的人討利息，也無提利錢，勼手無做歹，佇兩旁的人的中間，照公道判決；
9 順趁我的律例，執守我的法度，照誠實行代誌──這是義人，的確得著活。這是主耶和華講的。
10 「設使伊生一個子，做強盜，做刣人的，抑是行許個歹的一項，無行頂面所講的好，
11 反轉上山頂食祭物，閣拍垃墋厝邊的某，
12 虧負困苦及喪鄉的人，強搶人的物，未曾用當頭還人，仰望偶像，行可惡的事，
13 給借錢的人討利息，提利錢；此個人豈會活嗎？伊的確𣍐活。伊行許個一切可惡的事，的確著死，伊的罪欲歸佇伊。
14 「看啊，設使伊生一個子，看見老父所行一切的罪就驚惶，無按呢去行；
15 未曾上山食祭物，未曾仰望以色列家的偶像，未曾拍垃墋厝邊的某，
16 未曾虧負人，未曾提人的當頭，未曾強搶人的物，是用食物互枵的人食，用衣裳互褪裼的人穿，
17 勼手無害喪鄉人，無討利錢，無提利息；伊順趁我的法度，執守我的律例，伊就無因為老父的罪過來死無，的確會活。
18 論到伊的老父；因為伊欺負人真傷重，強搶兄弟，佇本族中行好，看啊，伊欲因為家己的罪來死。
19 「恁猶啲講：『子怎樣無擔當老父的罪？』子若行正直及合理的事，守我一切的律例來行伊，伊的確會活。
20 犯罪的神魂，伊欲死。子的確無擔當老父的罪，老父也無擔當子的罪。義人的義欲歸佇伊家己，歹人的歹也欲歸佇伊家己。
21 「歹人若回頭離開所做一切的罪惡，執守我一切的律例，行正直及合理的事，伊的確會活，𣍐死。
22 伊所犯一切的罪過無閣給伊記得，佇所行的義，伊欲活。
23 主耶和華講：歹人死無，豈是我所歡喜嗎？我豈是歡喜伊回頭離開伊所行的路，來得著活嗎？
24 總是義人若越頭離開伊的義來犯罪，照歹人所行一切可惡的事來行，伊豈會活嗎？伊所行一切的義，攏無閣受記念；伊欲佇所犯的罪，所行的歹死佇彼中間。
25 「恁猶啲講：『主的路無公平！』以色列家啊，恁著聽，我的路豈無公平嗎？豈是恁的路無公平嗎？
26 義人若越頭離開伊的義來行罪惡，致到為著按呢來死，伊就因為所行的罪惡來死。
27 閣歹人若回頭離開伊所行的歹，來行正直及合理的事，伊欲互伊的神魂得著活。
28 因為伊有想，回頭離開伊所犯一切的罪過，伊的確活無死。
29 以色列家猶啲講：『主的路無公平！』以色列家啊，我的路豈無公平嗎？豈是恁的路無公平嗎？」
30 所以主耶和華講：「以色列家啊，我欲照恁逐人所行的審判恁。恁著回頭，離開所犯一切的罪過。按呢，罪過𣍐會互恁敗無。
31 恁著將所犯一切的罪過㧒擲離開恁，為家己成一個新的心及新的神。以色列家啊，恁乜使著死？
32 主耶和華講：人的死我無歡喜伊的死，所以恁著回頭來得著活。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。