上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
8
大水消退
上帝記得挪亞及一切的活物以及及伊佇大船一切的精牲。上帝互風吹地，水就漸漸消失。
2 深淵的水源及天的孔隙攏關密，天裡的雨亦息。
3 水對地上直直退。一百五十日後，水就漸漸消。
4 七月十七日船靠佇亞拉臘的山。
5 水閣漸漸消，直直到十月，十月初一日，山頭才出現。
6 過四十日，挪亞開伊所做大船的窗仔，
7 放一隻烏鴉出去；烏鴉飛來飛去，直直到地上的水乾。
8 伊閣放一隻鴿仔出去，欲看水對地上退抑未。
9 總是鴿仔尋無歇腳的所在，就倒轉來大船挪亞遐，因為遍地面猶有水，挪亞伸手接伊，掠入大船。
10 伊閣聽候七日，閣放鴿仔出大船。
11 到下昏鴿仔倒來伊遐，嘴咬一葉新的橄欖葉，挪亞才知水對地上退啦。
12 伊閣聽候七日，放鴿仔出去，鴿仔攏無閣倒來。
13 到挪亞六百連一歲，正月初一日，地上的水攏乾。挪亞就掀開大船的蓋來看，就看見地面已經乾。
14 二月二七日，土地攏乾。
15 上帝對挪亞講：
16 「你及你的某、你的子、你的媳婦攏著出大船。
17 佇你遐見有肉體的活物，就是飛鳥、精牲，及一切趖佇地上的蟲𧒴，攏著帶𪜶出，互𪜶興旺佇地裡，生湠真多。」
18 對彼霎挪亞及伊的子、伊的某、伊的媳婦攏出來。
19 一切的走獸、一切的蟲𧒴、一切的飛鳥，見若地上所有的動物，各照伊的族類，亦攏出大船。
挪亞獻祭
20 挪亞為著耶和華起一座壇，對逐樣清氣的精牲，逐樣清氣的飛鳥取來獻佇壇頂做燒祭。
21 耶和華鼻伊的芳味，耶和華心內就講：「我無閣因為人的緣故咒詛地（因為人對細漢的時心所想就歹），我無欲照我所有行的閣滅各種的活物。
22 地猶佇啲的時，栽種收成、寒熱、冬天夏天、日暝攏無歇。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。