上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
6
譴責拜偶像的罪
耶和華的話臨到我講：
2 「人子啊，你著面向以色列諸個山來對伊宣傳，
3 講：以色列諸個山啊，著聽主耶和華的話。主耶和華對大山、小山、水溝、山谷按呢講：看啊，我，我欲用刀劍臨到恁，亦欲毀滅恁的山頭壇。
4 恁的祭壇的確荒廢，恁的日頭的柱欲抵著拍碎，我欲互恁受刣的人倒佇恁偶像的面前；
5 我亦欲將以色列族的身屍下佇𪜶的偶像的面前，將恁的骨頭四界㧒佇恁的壇的四圍。
6 佇恁一切徛起的所在，城欲拋荒，山頭壇欲荒廢，互恁的祭壇拋荒荒廢，恁的偶像拍碎滅無。恁的日頭的柱欲剉落，恁的所做攏廢無。
7 受刣的人欲倒佇恁中間，就恁欲知我是耶和華。
8 「恁四散佇列國的時，我欲佇列邦中所剩的人互伊脫離刀劍。
9 恁中間得著脫離的人欲佇𪜶受掠去的列國中紀念我，因為我欲毀壞𪜶淫亂離開我的心，以及𪜶戀愛偶像的目睭。𪜶欲為著所行的歹可惡的事，來家己怨恨。
10 𪜶欲知我是耶和華；我講欲降災禍互𪜶，是空空的話。
11 「主耶和華按呢講：你著拍手頓腳，講：慘啊！以色列家行這一切可惡的歹代，𪜶欲對刀劍、對飢荒、對瘟疫來死。
12 𫢶佇遠的人，欲對瘟疫來死；𫢶佇近的人，欲對刀劍來死；留啲受圍困的人，欲對飢荒來死；按呢我欲一盡成我的受氣佇𪜶。
13 𪜶受刣的人倒佇𪜶祭壇四圍的偶像中，就是逐個高山、逐個山頂、逐個青樹的樹腳、逐個艷艷的橡樹腳，就是𪜶獻芳芳的祭祀互一切偶像的地方。彼時，恁就知我是耶和華。
14 我欲伸我的手攻擊𪜶，互𪜶徛起的所在拋荒冷靜，對曠野到第伯拉他，𪜶就知我是耶和華。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。