上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
19
以色列人佇西奈山
以色列人出埃及地的了後，第三月抵抵彼日，𪜶就到西奈的曠野。
2 𪜶離開利非訂，來到西奈的曠野，就佇曠野紮營，以色列人就佇彼個山的頭前紮營。
3 摩西上到上帝遐，耶和華對山裡叫伊講：「你著按呢給雅各家講，通知以色列人知：
4 『我對埃及人所行的事，恁攏看見，閣看見我怎樣親像鷹鳥的翅背恁，帶恁來歸佇我。
5 今恁若實在聽趁我的話，遵守我的約，就佇列國中恁欲做我家己的寶貝，因為全地攏是我的。
6 恁欲歸佇我，做祭司的國，做聖潔的百姓。』諸個話是你所著給以色列人講的。」
7 摩西來招集百姓中間的長老，將耶和華所吩咐伊的話攏排列佇𪜶的面前。
8 百姓攏同聲應講：「見若耶和華所講的，阮攏欲遵趁。」摩西就將百姓的話回覆耶和華。
9 耶和華給摩西講：「看啊，我欲佇密雲的中間臨到你，互百姓聽見我及你啲講，通永遠信你。」
摩西就將百姓的話給耶和華講。
10 耶和華閣給摩西講：「你去百姓遐，今仔日明仔日給𪜶分別做聖，𪜶也著洗衫。
11 著備辦便赴第三日，因為第三日耶和華欲佇眾百姓的面前降臨佇西奈山。
12 你著佇山的四圍給百姓設界限，講：『恁著謹慎，通上山，也通摸伊的交界；見若摸此個山的，的確著互伊死。
13 通用手摸伊，著用石頭擲伊，抑是用箭射伊；無論是人抑精牲，攏𣍐活。到哨角的聲拖長的時，𪜶著上來山腳。』」
14 摩西落山到百姓遐，給𪜶分別做聖，𪜶就家己洗衫。
15 伊對百姓講：「著備辦便赴第三日。通親近婦仁人。」
16 到第三日天光早，佇山頂有雷鳴、閃爁及密雲，閣哨角的聲真大，營內的百姓攏愕愕惙。
17 摩西導百姓出營盤迎接上帝，𪜶攏徛佇山腳。
18 通西奈山攏是火煙，因為耶和華佇火中降臨佇山頂。山的火煙淐高，親像磁窯的煙，遍山大振動。
19 哨角的聲愈鳴愈大，摩西講話，上帝出聲應伊。
20 耶和華降臨佇西奈山佇山尾溜，耶和華召摩西上山尾溜，摩西就上去。
21 耶和華對摩西講：「你落去禁戒百姓，驚了𪜶闖過界到耶和華遮來看，致到𪜶多多人死；
22 連親近耶和華的祭司也著家己分別做聖，驚了耶和華忽然出來拍𪜶。」
23 摩西對耶和華講：「百姓𣍐會上西奈山，因為你已經禁戒阮講：『著佇山的四圍設界限，分別伊做聖。』」
24 耶和華給伊講：「去啊，落去，你著及亞倫上來；獨獨祭司及百姓通闖過界上到耶和華面前，驚了伊忽然出來拍𪜶。」
25 摩西就落去，到百姓遐給𪜶講。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。