上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
17
石磐出水
( 民 20:1-13 )
以色列人全會趁耶和華的命令，照路站對汛的曠野進前行，佇利非訂紮營。百姓無水通飲，
2 百姓就及摩西計較，講：「互阮有水通飲！」摩西給𪜶講：「恁啥事及我計較？啥事試耶和華啊？」
3 百姓佇遐真嘴乾，愛飲水，就哀怨摩西，講：「你啥事導阮對埃及上來，互阮及阮的子兒，阮的精牲攏嘴乾死啊？」
4 摩西就求叫耶和華講：「我對此個百姓欲怎樣做啊？𪜶差不多欲用石頭擲我。」
5 耶和華給摩西講：「你做百姓的頭前行，導以色列的長老幾若人及你去，你的手著攑前日拍河水的柺仔。
6 看啊，我欲徛佇你的面前，佇何烈的石磐頂。你拍彼個石磐，欲有水對遐流出，互百姓飲。」摩西就佇以色列長老的面前按呢行。
7 伊名彼個所在叫瑪撒，閣叫做米利巴；因為以色列人計較，閣因為𪜶試耶和華，講：「耶和華佇阮中間抑無？」
及亞瑪力人交戰
8 彼時，亞瑪力人來到利非訂，及以色列人交戰。
9 摩西給約書亞講：「你替咱揀人出去，及亞瑪力人交戰。明仔日我手裡欲攑上帝的柺仔，徛佇山頂。」
10 對彼霎約書亞照摩西所給伊講的行，及亞瑪力人交戰。摩西、亞倫，及戶珥攏上山頂。
11 摩西手攑起的時，以色列人就卡贏，手垂落去的時，亞瑪力人就卡贏。
12 總是摩西手酸，𪜶就徙石，來下佇伊的下面，伊坐佇石頂。亞倫及戶珥扶伊的手，一個佇此旁，一個佇彼旁，伊的手就自在，直直到日落。
13 約書亞用刀刣亞瑪力王及伊的百姓。
14 耶和華給摩西講：「我欲將亞瑪力的名字對天下完全擦滅伊；你著用此個寫佇冊裡做紀念，閣講互約書亞聽。」
15 摩西起一座壇，號伊的名叫「耶和華尼西」，
16 閣講：「耶和華已經咒誓，耶和華欲代代及亞瑪力人交戰。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。