上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
22
耶利米給猶大王的警告
耶和華按呢講：「你落去猶大王的宮內，佇遐講此個話，講：
2 『坐大衛寶座的猶大王啊，你及你的人臣，以及入諸個門的百姓，攏著聽耶和華的話。
3 耶和華按呢講：恁著行公平及公義，拯救受搶奪者脫離壓制人者的手，通用強暴欺負出外人及孤兒寡婦，佇此個所在亦通流無罪的人的血。
4 恁若認真行此個代誌，就欲有坐大衛寶座的王伊及伊的人臣百姓，或是坐車，或是騎馬，入此個厝的門。
5 恁若聽諸個話，耶和華講：我指本身來咒誓，此間厝欲變做拋荒。』
6 耶和華論到猶大王的家按呢講：
我看你親像基列，
親像黎巴嫩的尾溜；
總是我的確互你變做曠野，
做無人徛起的城。
7 我欲備辦行毀滅的人，
逐個攑家私攻擊你；
𪜶欲剉你上好的柏香樹，
㧒落火。
8 「多多國的人欲經過此個城，逐個相及講：『耶和華啥事按呢款待此個大城啊？』
9 𪜶欲應講：『是因為𪜶棄拺耶和華──𪜶的上帝的約，服事敬拜別個上帝。』」
論到沙龍
10 莫得為著死人啼哭；
莫得為著伊悲傷，
著因為受遷徙的人大大啼哭；
因為伊𣍐閣倒來，
亦𣍐閣見著伊的本國。
11 因為論到猶大王約西亞的子沙龍，續接伊的老父約西亞做王，後來離開此個所在者，耶和華有按呢講：
12 「伊的確無閣倒來遮，就是欲死佇互人掠去的地方，無閣看見此個地方。」
論到約雅敬
13 彼個用不義來起厝、用無公道來起樓、
白白教人做伊的工無互人工錢，彼人有災禍啊！
14 伊講：我欲為本身起大厝，及通風的樓，
為家己開大窗。
用柏香柴做天河板，
用銀朱來油。
15 你熱心佇柏香柴的工作就會做王嗎？
你的老父豈是亦食亦飲、
亦行公平及公義嗎？
16 彼時伊得著福氣。
伊辦理困苦及喪鄉人的案件，
伊就得著福氣。
按呢豈是識我嗎？
這是耶和華講的。
17 獨獨你的目睭你的心注意貪心，
流無罪的人的血，
行壓制及強暴。
18 所以，耶和華論到猶大王約西亞的子約雅敬按呢講：
人無欲為著伊哀傷講：
唉啊！我的兄；
抑是，唉啊！我的大姊；
亦無因為伊哀傷講：
唉啊！我的主，
抑是，唉啊！伊的榮光。
19 伊欲互人埋，親像埋驢一樣，
欲拖出去㧒佇耶路撒冷的城外。
論到耶路撒冷百姓的命運
20 你著上黎巴嫩哀哭，
佇巴珊出聲，
對亞巴琳哀哭，
因為你所親愛者攏毀滅啦。
21 當你亨通的時，我就對你講；
你講：我聽。
你對少年以來攏是此款，
聽趁我的話。
22 你的牧者欲互風吹去，
你所親愛者欲互人掠去；
彼時你的確因為你一切的歹來漏氣見誚。
23 你徛起黎巴嫩，作巢佇柏香樹者，
痛苦臨到你，
痛疼親像欲生子的婦仁人，
彼時你的可憐到怎樣！
上帝審判哥尼雅
24 耶和華講：「我指我的永活來咒誓，雖然猶大王約雅敬的子哥尼雅，是我正手蓋印的手指，亦欲給你剝起來，
25 閣我欲將你交互數想你的生命的人的手，及你所敢見伊的面的人的手，就是巴比倫王尼布甲尼撒的手及迦勒底人的手。
26 我亦欲趕你及生你的老母到別國，是恁出世的所在；恁欲死佇遐，
27 總是𪜶的心真愛倒去的所在，𣍐得通倒去。」
28 哥尼雅此人是受看輕、已經破的磁器嗎？
是無通歡喜的器具嗎？
伊及伊的後裔啥事受趕，㧒佇𪜶所識的地啊？
29 地啊，地啊，地啊，著聽耶和華的話！
30 耶和華按呢講：
著指此人無子，
一生𣍐得著亨通者；
因為伊的後裔的中間無閣有一人得著亨通，
會坐佇大衛的寶座來治理猶大。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。