上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
8 耶和華講：「當彼時，人欲將猶大列王的骨骸、貴族的骨骸、祭司的骨骸、先知的骨骸，耶路撒冷徛起的百姓的骨骸，攏對墓中提出來，
2 排佇日、月，及天象的下面，就是𪜶平素所意愛、所服事、所順趁、所尋求、所跪拜者。諸個骨骸無閣收拾，無閣埋葬，欲佇地面上成做糞埽；
3 閣此個歹族所剩的就是佇我趕𪜶到遐所剩的，𪜶攏欲揀死揀活。這是萬軍的耶和華講的。」
罪及罰
4 你著對𪜶講，耶和華按呢講：
人跋倒，無閣絔起來嗎？
人越去，無閣越來嗎？
5 按呢此個耶路撒冷的百姓的悖逆，啥事久長悖逆啊？
𪜶固執𪜶的詭詐，肯回頭。
6 我留心聽，總是𪜶無講正直的話。
無人反悔𪜶歹的所行，講：
我做的是甚麼？
𪜶逐人轉返行家己的路，
親像馬跑入戰場。
7 空中的鶴知伊定著的期；
鳩鵻燕仔及海雁攏守𪜶來的時；
獨獨我的百姓知耶和華的法律。
8 恁怎樣講：阮是智慧的人，
耶和華的律法佇阮中間？
看啊，經學士舞弄筆墨，互伊變做假。
9 智慧的人見誚，驚惶，受掠；
看啊，𪜶放拺耶和華的話，
𪜶的心內猶有甚麼智慧啊？
10 所以我欲將𪜶的某互別人，
將𪜶的田園互別人承接做業；
因為𪜶對第一細到第一大者攏一味貪心，
對先知到祭司攏行奸詐。
11 𪜶凊凊彩彩醫治我的百姓的傷，講：
平安啦！平安啦！
其實無平安。
12 𪜶行可惡的事，知見誚嗎？
無，𪜶攏無見誚，
亦𣍐紅面。
因為按呢，𪜶欲跋倒佇跋倒的人的中間；
𪜶受辦的時欲顛倒。
這是耶和華講的。
13 耶和華講：我欲一盡滅𪜶；
葡萄樹欲無葡萄，
無花果樹欲無無花果，
葉亦欲枯焦。
我所互𪜶的，
攏欲無去。
14 咱啥事靜靜坐啊？
恁著聚集，就咱通入諸個堅固的城，
佇遐恬恬；
因為咱的上帝──耶和華互咱恬恬，
閣將苦的水互咱飲，
攏是因為咱得罪耶和華。
15 咱向望平安，
亦無有好處；
向望有醫好的時期，
反轉有驚惶。
16 聽見對但遐對敵的馬滂滂哮，
𪜶的勇的馬嘰嘰哮，
全地就攏振動；
因為𪜶來吞滅此個地以及彼內面所有的，
吞滅此個城及其中徛起的百姓。
17 恁看，我欲差蛇、毒蛇到恁中間，
恁驅無法得的，
𪜶欲咬恁。
這是耶和華講的。
耶利米為同胞悲傷
18 我有憂悶，情願會得安慰；
我的心昏去。
19 看啊，我的百姓哀傷的聲對遠遠的所在來，
講：耶和華無佇錫安嗎？
伊的王無佇彼內面嗎？
𪜶啥事用雕刻的偶像，
及外邦虛假者來激我的受氣啊？
20 收成的時已經過，夏天的日已經盡，
阮猶無得著救！
21 因為我的百姓的毀傷，
我亦受毀傷。
我盡在哀傷，驚惶擒住我。
22 佇基列豈無乳香？
佇遐豈無醫生？
我的百姓怎樣𣍐得著醫好？
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。