上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
5
耶路撒冷的罪
恁著走來走去佇耶路撒冷的街路來看來探聽，
佇伊的寬闊的所在來尋，
看會抵著一人，抑是有人行公義求誠實？
我就欲赦免此個城。
2 𪜶雖然講耶和華是活者，
𪜶所咒的誓實在是假。
3 耶和華啊，你的目睭豈是向誠實嗎？
你拍𪜶，𪜶也無憂傷；
你毀滅𪜶，𪜶肯受教督。
𪜶互𪜶的面比石卡𠕇，
肯回頭。
4 我就講：諸個人實在是喪鄉，是愚戇，
因為識耶和華的路，
及𪜶的上帝的法度。
5 我欲去見𪜶的世家，及𪜶講話，
因為𪜶識耶和華的路，
及𪜶的上帝的法度。
若是𪜶同心遏折軛，
拍斷缚伊的索。
6 所以，樹林的獅欲出來咬死𪜶；
下昏時的豺狼欲吞食𪜶；
豹欲佇諸個城外當等𪜶。
見若出城的，的確互𪜶拆碎；
因為𪜶的罪過真多，
悖逆愈傷重。
7 這我豈會赦免你啊？
你的子兒離開我，
閣指諸個是上帝者來咒誓。
我互𪜶飽足，
𪜶就行姦淫，
歸陣聚集佇娼妓的厝。
8 𪜶親像飼飽的馬四界跑，
逐個向伊厝邊的某親像馬嘰嘰哮。
9 耶和華講：我豈無因為諸個事來辦𪜶嗎？
我的心豈無欲對此號的國民來報讎嗎？
10 恁著上伊的葡萄園的牆來毀壞伊，
總是通毀到了，著除去伊的枝，
因為𪜶無屬佇耶和華。
11 因為以色列家及猶大家大大行詭詐攻擊我。
這是耶和華講的。
耶和華棄拺以色列
12 𪜶認耶和華，就講：
這並是伊，
災禍無欲臨到阮；
刀劍及飢荒，阮也𣍐會抵著。
13 先知的話欲成做風；
主的話無佇𪜶的心。
欲照按呢互𪜶抵著。
14 所以萬軍的上帝──耶和華講：
因為恁講此個話，
看啊，我欲互我的話佇你的嘴做火，互此個百姓做柴；
此個火欲燒滅𪜶。
15 耶和華講：以色列的家啊，
你看，我欲互一國對遠遠來攻擊恁，
就是強的國，
對古早就有的國。
伊的言語你𣍐曉得，
也𣍐明白伊所講的。
16 𪜶的箭袋是開開的墓；
𪜶攏是勇士。
17 𪜶欲食了你的五穀及你的米糧，
就是你的子查某子所著食的；
也欲食了你的羊群、牛群，
食了你的葡萄及無花果；
閣欲用刀毀壞你所倚靠堅固的城。
18 耶和華講：「就若到彼時，我也無欲一盡剿滅恁。
19 彼時恁若講：『耶和華──阮的上帝為著啥事對阮行這一切的事啊？』你著應伊講：『親像恁已經放拺我，服事別號的上帝佇恁的地方，按呢恁也欲服事外邦人佇無屬恁的地方。』」
上帝警告伊的百姓
20 恁著傳佇雅各家，
報佇猶大講：
21 戇戇無知的百姓啊，
恁有目睭𣍐看，
有耳孔𣍐聽，
今著聽此個話。
22 耶和華講：恁驚我嗎？無愕愕惙佇我的面前嗎？
我設永遠的例，
用沙做海的界限，伊𣍐𨃟過。
伊的湧雖然夯高，也𣍐會贏；
雖然嘩嘩哮，也𣍐會𨃟過。
23 獨獨此個百姓有反叛悖逆的心；
𪜶悖逆我做𪜶去，
24 𪜶心內也無講：
今咱著敬畏耶和華──咱的上帝；
伊照時賞賜雨水，就是前的雨，後的雨，
伊也有定諸個收成的時期，留啲互咱。
25 恁的罪孽互諸個事反轉離開恁；
恁的罪惡互恁𣍐會得著福氣。
26 因為佇我的百姓中有尋著歹人。
𪜶匿啲，親像設活罩的人啲當等；
𪜶張羅網來掠人。
27 𪜶的厝有詭詐滿滿，
是親像鳥籠內有鳥滿滿；
所以𪜶成做大，閣好額。
28 𪜶肥閣光生，
做歹過頭，無為著人伸冤！
就是無為著無父的子伸冤，
互伊亨通，
亦無因為喪鄉人判斷。
29 耶和華講：我豈無因為諸個事來辦𪜶嗎？
我的心豈無欲對此號的國民來報讎嗎？
30 此個土地有奇異、可惡的事；
31 先知傳虛假，
祭司倚靠𪜶來把權；
我的百姓亦愛伊按呢，
到結局恁欲怎樣做？
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。