上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以賽亞書
39
巴比倫王的使者
( 王下 20:12-19 )
當時，巴比倫王巴拉但的子米羅達‧巴拉但聽見希西家曾破病，就送批信及禮物互希西家。
2 希西家因為使者來歡喜，就將伊囥寶物的厝，金、銀、香料、貴氣的油，及伊的軍藏局，及府庫內一切所有的攏互𪜶看；伊的家中及全國的內面，希西家無一項無互𪜶看。
3 對按呢先知以賽亞來見希西家王，問伊講：諸個人講甚麼？𪜶對叨落來見你？」希西家講：「𪜶對遠遠的所在就是對巴比倫來見我。」
4 以賽亞講：「𪜶佇你的家看見甚麼？」希西家講：「凡若我家中所有的，𪜶攏有看見；我的財寶的中間無一項無互𪜶看見。」
5 以賽亞對希西家講：「你著聽萬軍的耶和華的話：
6 看啊，日子欲到，凡若你家內所有的，及你的列祖積聚到現今的攏欲受搶到巴比倫，無留一項；這是耶和華講的。
7 閣對你本身生的子孫，其中有的欲受掠去，佇巴比倫的王宮當太監。」
8 希西家對以賽亞講：「你所傳耶和華的話是好。」閣講：「因為佇我年日的中間欲有太平及堅固。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。