上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以賽亞書
36
亞述人威脅耶路撒冷
( 王下 18:13-37 代下 32:1-19 )
希西家王十四年，亞述王西拿基立上來攻擊猶大一切堅固的城，來取伊。
2 亞述王對拉吉差拉伯沙基導大隊兵去耶路撒冷，到希西家王遐。伊就徛佇頂池的水溝邊，佇漂布師傅的田的大路。
3 彼霎有管家的希勒家的子以利亞敬，及書記舍伯那及史官亞薩的子約亞，出來見伊。
4 拉伯沙基對𪜶講：「恁去給希西家講，亞述王大王按呢講：『你所倚靠的，是倚靠甚麼？
5 你講，有計謀有氣力通交戰，我講這是空空的話若定。你到底倚靠是誰才背叛我啊？
6 看啊，你所倚靠的埃及是彼個𤿎破的蘆竹枴，人若倚伊，就會刺入伊的手。埃及王法老對一切倚靠伊的人亦是按呢。
7 你若給我講：我倚靠耶和華──阮的上帝。此個耶和華豈是希西家曾廢伊的山頭壇及伊的祭壇，亦曾對猶大及耶路撒冷的人講：恁著佇此個壇前敬拜的嗎？
8 今請你用準當互我的主亞述王，我互你二千隻馬，看你彼面會備辦人騎伊抑𣍐。
9 若𣍐，豈可會拍退我的主諸個第一細的奴僕中一個軍長？亦竟然倚靠埃及愛得著戰車及馬兵啊？
10 今我上來攻擊毀滅此個地，豈無耶和華的意思嗎？耶和華吩咐我講，你上去攻擊毀滅此個地。』」
11 以利亞敬、舍伯那、約亞對拉伯沙基講：「求你用亞蘭的話及你的奴僕講，因為阮會曉聽；通用猶大的話及阮講，互城頂的百姓耳孔聽見。」
12 拉伯沙基講：「我的主差我來，豈是對你的主及你講諸個話嗎？豈是對坐佇城頂的人講，互𪜶及恁平平食家己的糞飲家己的尿嗎？」
13 拉伯沙基就徛啲，用猶大的話大聲叫講：「恁著聽亞述王大王的話。
14 王按呢講：『恁通互希西家所騙；因為伊𣍐會救恁。
15 亦莫得聽希西家教恁倚靠耶和華講：耶和華的確欲救咱，此個城的確無交佇亞述王的手。
16 莫得聽希西家的話，因為亞述王按呢講：恁著及我和好。出來投降我，逐人就通食家己的葡萄樹及無花果樹的果子，飲家己的井水。
17 聽候我導恁到一個地，及恁本地無各樣，就是有五穀及新酒的地，有米糧及葡萄園的地。
18 恁著謹慎持防，驚了希西家引誘恁講：耶和華的確救咱。列國的上帝豈有一個曾救伊的國脫離亞述王的手啊？
19 哈馬及亞珥拔的上帝佇叨落啊？西法瓦音的上帝佇叨落啊？𪜶豈曾救撒瑪利亞脫離我的手嗎？
20 諸個國的上帝有是誰曾救家己的國脫離我的手啊？莫卻耶和華豈會救耶路撒冷脫離我的手嗎？』」
21 𪜶靜靜，亦無應一句，因為王曾吩咐講：「莫得應伊。」
22 彼時希勒家的子管家的以利亞敬及書記舍伯那，及史官亞薩的子約亞，攏拆裂衫來到希西家遐，將拉伯沙基的話給伊講。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。