上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
傳道書
12 你著佇少年的日，記念創造你的主，就是患難的日猶未到，也你所講，我無通佇伊快樂，許個年猶未近的時。
2 佇日、及光、及月、及星未變做黑暗，以及雨過身雲未閣來的代先，
3 當彼日顧厝的愕愕惙，有力的人酥腰，挨磨者因為𪜶少就息，對窗仔看出去的攏黑暗；
4 𥦁街路的門關啲，挨磨的聲細細，鳥仔一下哮，人就起來，唱歌的查某囝仔也攏降低。
5 見著高就驚，佇路中也有所驚畏，杏樹開花，草蜢做重擔，慾心攏無去；因為人歸佇伊永遠的厝，哀哭的人往來佇街路。
6 當銀鍊仔會斷，金碗會破，佇水泉邊的水瓶會損害，枷轆會歹佇井頂，
7 塵埃歸土來返本，靈魂歸佇互伊來的上帝的代先，著紀念創造你的主。
8 傳道者講：「空虛的空虛，凡事攏是空虛。」
結論
9 閣因為傳道者有智慧，伊猶原教示百姓知識；也靜靜想，查考，閣照次序排列多多箴言。
10 傳道者專心尋通歡喜的話，是照正直寫的誠實話。
11 智慧的人的話親像茦；會長的話親像釘住的釘，攏是對一個牧者所賜的。
12 我的子啊，猶有一層，你著受勸戒；著冊多，無窮盡；讀冊多，身軀會厭倦。
13 諸個事攏已經聽了啦，結尾就是：敬畏上帝，謹慎守伊的誡命，這就是人齊備的本分。
14 因為見所做的，及一切隱密的事，無論是好是歹，上帝攏欲審判。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。