上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
傳道書
4 我閣越轉看，佇日光的下面所行一切的壓迫。看啊，受壓迫的流目屎，閣無人安慰；壓迫𪜶的勢力，也無人安慰𪜶。
2 因為按呢，我謳咾許個已經死的死人，贏過許個猶活啲的活人。
3 閣彼個猶未出世的，就是未看見日光的下面所做的歹代的，我看伊比此二等號猶卡好。
4 我閣看見人為著一切的著磨及逐樣奇巧的工就互厝邊怨妒。這也是空虛，也是掠風。
5 愚戇的人手拍叉，食家己的肉。
6 一手滿滿，也有平安，贏過二手滿滿，來勞碌掠風。
7 我閣越轉，看佇日光的下面有空虛的事：
8 有人孤單無二個，無子也無兄弟，竟然勞碌無息，伊的目睭無看錢財做夠額。伊講：「我勞碌，刻苦家己，無享福，到底為是誰啊？」這也是空虛，也是極重的勞苦。
9 二人總比一人卡好，因為𪜶相及著磨得著好的效果。
10 若是跋倒，此人通扶伊的同伴起來；若是單身來跋倒，無別人扶伊起來，此人就有災禍。
11 閣，二人相及睏就會燒烙，若家己一人豈可會燒啊？
12 單單一人就人會拍贏伊，若有二人就會抵當伊；三股的索無快快斷。
13 喪鄉閣有智慧的少年人贏過年老肯受諫諍戇的王。
14 此個人是對監內出來做王，佇伊的國內，出世是喪鄉人。
15 我看佇日光的下面啲行的活人攏趁彼個少年人就是第二個，續接伊的位者。
16 伊所管的百姓多多，𣍐算得；後來的人無為著伊來歡喜。這也是空虛，也是掠風。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。