上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
箴言
16 心的計謀在佇人；
舌的應答是對耶和華。
2 人一切的所行家己看做清氣；
獨獨耶和華測𢜬人的心。
3 你所做的，攏著交託耶和華，
你所計謀的，就會穩當。
4 耶和華所造的，攏合伊的路用；
連歹人也合佇災禍的日。
5 見若心驕傲的，是耶和華所厭惡；
雖然手牽手，也𣍐免受刑罰。
6 對憐憫及誠實，罪過得著贖回；
對敬畏耶和華，就離開歹代。
7 人的所行，若互耶和華歡喜，
連伊的對敵耶和華也互𪜶及伊和。
8 多多錢，也不義，
值著少少錢，閣有公義。
9 人的心計劃伊的路；
獨獨耶和華定著伊的腳步。
10 王的嘴內有神的話，
審判的時，伊的嘴就無差錯。
11 公道的天秤及秤攏屬耶和華，
袋仔內一切的鉈子攏是伊所定著。
12 做歹，是王所厭惡，
因為座位是對公義來堅固。
13 公義的嘴唇是王所歡喜；
講話正直的，是王所疼。
14 王的大受氣親像互人死的使者；
獨獨智慧的人會互伊息。
15 王的面色的光互人有活命；
王的恩典親像春雨的雲。
16 得著智慧比得著金加偌好；
揀著聰明比得著銀猶卡好。
17 正直的人的大路是離開歹；
謹慎守伊的路的，是保全伊的生命。
18 驕傲是失敗的代先；
自高的心就是跋倒的代先。
19 心謙卑及喪鄉人相及住，
贏過及驕傲的人相及分所搶的物。
20 致意佇道理的，欲得著利益；
倚靠耶和華的，有福氣。
21 心智慧的，稱做通達；
好口才，會加添人的學問。
22 人有明理就有活命的水泉；
戇人的責罰就是伊的戇。
23 智慧的人的心教示伊的嘴；
閣給伊的嘴唇加添學問。
24 宛轉的話親像蜜房，
心知甜，互骨爽快。
25 有一條路，人看做正直，
到尾成做死無的路。
26 腹肚枵是勉勵做工的人做工，
因為伊的口腹迫伊。
27 無路用的人圖謀損害，
伊的嘴唇親像有火啲燒。
28 乖僻的人四界起相爭；
學話的人，互親密的朋友冷淡。
29 強暴的人引誘厝邊，
導伊行好的路。
30 目睭放瞌啲圖謀乖僻；
嘴唇合倚來成彼個歹事，
31 白頭毛是媠的冕旒，
佇義的路會尋著。
32 無快快受氣，贏過勇士；
管轄家己的心的，贏過取著城的。
33 拈鬮在佇人，
定著代誌攏對耶和華。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。