上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
6 耶和華對摩西講：「我所欲行佇法老的，今你欲看見，因為用權能的手，伊欲准𪜶去，閣用權能的手，伊欲趕𪜶出伊的地。」
上帝呼召摩西
2 上帝閣對摩西講：「我就是耶和華。
3 我名做全能的上帝出現佇亞伯拉罕、以撒、雅各；總是我的名做耶和華，我未有互𪜶識我。
4 我閣及𪜶立我堅固的約，欲將𪜶所出外的迦南地賞賜𪜶，就是𪜶寄腳的地。
5 我也聽見以色列人譆譆孱，就是埃及人督𪜶做苦工，我也記念我的約。
6 所以你著給以色列人講：『我是耶和華，我欲對埃及人所互恁擔的重擔導恁出來，閣欲救恁脫離𪜶所互恁做的苦工，我也欲用伸出的手及大的審判救贖恁。
7 我也欲掠恁做我的百姓，我也欲做恁的上帝。恁欲知我是耶和華──恁的上帝，是對埃及人所互恁擔的重擔導恁出來。
8 我咒誓應允欲互亞伯拉罕、以撒、雅各彼個地，我欲導恁入去遐，將彼個地賞賜恁做業。我是耶和華。』」
9 摩西將此個給以色列人講，總是𪜶為著心內憂悶，也做苦工，肯聽摩西。
10 耶和華吩咐摩西講：
11 「你入去給埃及王法老講，著准以色列人出伊的地。」
12 摩西佇耶和華的面前講：「看啊！以色列人尚且聽我，法老豈可欲聽我此個嘴舌鈍的人啊？」
13 耶和華吩咐摩西、亞倫著傳命互以色列人及埃及王法老，通導以色列人出埃及地。
摩西及亞倫的族譜
14 以色列諸個房長的名記佇下底。以色列大子流便的子哈諾、法路、希斯崙、迦米；諸個是流便許個家。
15 西緬的子耶某利、雅憫、阿轄、雅斤、瑣轄，以及迦南地的查某子所生的掃羅；諸個是西緬許個家。
16 利未諸個子的名照𪜶的世系記佇下底：革順、哥轄、米拉利。利未享壽一百三十七歲。
17 革順的子照𪜶的家族立尼、示每。
18 哥轄的子暗蘭、以斯哈、希伯倫、烏設。哥轄享壽一百三十三歲。
19 米拉利的子抹利、某示；諸個是利未許個家，照𪜶的世系。
20 暗蘭娶伊的姑約基別做某，伊給伊生亞倫及摩西。暗蘭享壽一百三十七歲。
21 以斯哈的子可拉、尼斐、細基利。
22 烏設的子米沙利、以利撒反、西提利。
23 亞倫娶亞米拿達的查某子，拿順的小妹，以利沙巴做某，伊給伊生拿答、亞比戶、以利亞撒、以他瑪。
24 可拉的子亞瑟、以利加拿、亞比亞撒；諸個是可拉許個家。
25 亞倫的子以利亞撒娶普鐵一個查某子做某，伊給伊生非尼哈。諸個是利未人的房長，照𪜶的家族。
26 此個亞倫、摩西就是耶和華對𪜶講：「著導以色列人照𪜶的軍隊出埃及地的。」
27 對埃及王法老講欲導以色列人出埃及的，就是此個摩西、亞倫。
耶和華吩咐摩西及亞倫
28 當耶和華佇埃及地對摩西講話的日，
29 耶和華對摩西講：「我就是耶和華；我對你所講一切的話，你攏著給埃及王法老講。」
30 摩西佇耶和華的面前講：「看啊，我是嘴舌鈍的人，法老豈可欲聽我啊？」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。