上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
3
上帝呼召摩西
摩西顧伊的丈人米甸的祭司葉忒羅的羊群；趕羊去曠野的後面，到上帝的山，就是何烈山。
2 耶和華的使者佇莿帕內火焰中對伊出現。伊看見，看啊，莿帕互火燒，莿帕也無𤏸去。
3 摩西講：「我今欲越過去看此個大的景象，此個莿帕怎樣無𤏸去啊？」
4 耶和華看見伊越去欲看，上帝就對莿帕內叫伊講：「摩西！摩西！」伊就講：「我佇遮。」
5 伊就講：「你莫得近倚來。著褪你腳裡的鞋，因為你徛的所在是聖地」；
6 閣講：「我是你的祖公的上帝，亞伯拉罕的上帝，以撒的上帝，雅各的上帝。」摩西遮伊的面，敢看上帝。
7 耶和華講：「我的百姓徛起佇埃及的，𪜶的困苦我實在已經看見啦；𪜶為著督工者來喉叫，我已經聽見啦。我本知𪜶的痛苦，
8 今我落來欲救𪜶脫離埃及人的手，導𪜶出彼個地，到肥媠、開闊的地，到流奶及蜜的地，就是迦南、赫、亞摩利、比利洗、希未、耶布斯、許個族的所在。
9 今以色列人喉叫的聲到互我聽見，我也看見埃及人苦楚𪜶的艱苦。
10 今你來，我欲差你去見法老，導我的百姓以色列人出埃及。」
11 摩西對上帝講：「我是甚麼人通去見法老，導以色列人出埃及啊？」
12 伊講：「我實在欲及你佇啲。你導百姓出埃及了後，恁欲佇此個山服事上帝；這欲做我差你的證據。」
13 摩西對上帝講：「看啊，我到以色列人遐，對𪜶講：『恁祖公的上帝差我來恁遮。』𪜶若問我講：『伊叫甚麼名？』我欲給𪜶講甚麼啊？」
14 上帝對摩西講：「我是自然而然的」；閣講：「你著給以色列人按呢講：『自然的差我到恁遮。』」
15 上帝閣對摩西講：「你著對以色列人按呢講：『差我到恁遮的，就是耶和華──恁祖公的上帝，亞伯拉罕的上帝，以撒的上帝，雅各的上帝。』這是我永遠的名，這是我的紀念，到萬代。
16 你去招集以色列的長老，給𪜶講：『耶和華──恁祖公的上帝，就是亞伯拉罕、以撒、雅各的上帝，對我出現，講：我實在眷顧恁，人佇埃及所款待恁的我也有看見。
17 我也曾講：我欲導恁出埃及的艱苦，到迦南、赫、亞摩利、比利洗、希未、耶布斯許個族的地，到流奶及蜜的地。』
18 𪜶欲聽你的話。你及以色列的長老著去見埃及王，給伊講：『希伯來人的上帝──耶和華已經抵著阮，今求你容允阮去曠野，行三日的路站，欲祭祀耶和華──阮的上帝。』
19 我知雖然用大權能的手，埃及王也互恁去。
20 我欲伸我的手用我佇埃及中所欲行一切的奇事，來拍伊，然後伊才准恁去。
21 我欲互此個百姓得著恩典佇埃及人的面前，互恁出去的時無空手去。
22 諸個婦仁人逐個欲對伊的厝邊，及住佇伊的家內的婦仁人，討銀器金器及衣服，通互你的子查某子用。按呢恁欲搶埃及人。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。