上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
詩篇
25 大衛的詩。
求主引導保護
耶和華啊，我的心神仰望你。
2 我的上帝啊，我平素倚靠你；
通互我見誚，
通互我的對敵因為贏我來誇口。
3 見若聽候你者的確無見誚；
許個無緣故行奸詐者欲見誚。
4 耶和華啊，求你將你的道路指示我，
將你的路途教示我！
5 求你導我佇你的真理，閣教示我，
因為你是救我的上帝。
我通日聽候你。
6 耶和華啊，求你紀念你的憐憫及你的慈愛，
因為這是古早以來常常有的。
7 求你通紀念我少年的罪過及我的過失；
耶和華啊，求你照你的慈愛，因為你的恩惠紀念我，
8 耶和華是好閣正直，
所以伊欲指示罪人行正路。
9 伊欲用公平引導謙遜的人，
伊欲用伊的道路教示謙遜的人。
10 見若守伊的約及伊的干證的人，
耶和華款待𪜶攏是用慈愛誠實。
11 耶和華啊，我的罪真重，
求你因為你的名赦免我。
12 甚麼人敬畏耶和華，
耶和華欲指示伊所著揀的路。
13 伊的心神欲得著安息；
伊的後裔欲承接土地。
14 耶和華及敬畏伊的人親密；
閣欲將伊的約指示𪜶。
15 我的目睭常常向耶和華，
因為伊欲互我的腳脫離羅網。
16 求你越轉向我，可憐我，
因為我是孤單閣困苦。
17 我的心內的憂苦真多，
求你救我脫離佇我攏總的患難。
18 求你看我的艱難，及我的勞苦，
赦免我一切的罪。
19 求你看我的對敵，
因為𪜶真多，𪜶怨恨我真惡毒。
20 求你保護我的生命，拯救我，
互我無見誚，因為我倚靠你。
21 願純全、正直保護我，
因為我聽候你。
22 上帝啊，求你救贖以色列脫離伊一切的艱苦。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。