上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
46
雅各帶家眷到埃及
以色列帶一切所有的，起身來到別是巴，就獻祭互伊的老父以撒的上帝。
2 暝時，上帝佇異象的中間給以色列講：「雅各啊！雅各啊！」伊講：「我佇遮。」
3 上帝講：「我是上帝，就是你的老父的上帝。你落去埃及使驚，因為我欲互你佇遐成做大國。
4 我欲及你相及落去埃及，我亦的確導你起來；約瑟欲手按你的目睭互你瞌。」
5 雅各就對別是巴起身。以色列許個子互𪜶的老父雅各及𪜶的子兒、𪜶的某，攏坐佇法老所差來欲載伊的車。
6 雅各及伊一切的子孫，帶𪜶的精牲，以及佇迦南地所得著的貨財攏到埃及。
7 雅各帶伊的子、孫、查某子、查某孫，及伊一切的後裔，攏到埃及。
8 以色列人到埃及者，雅各及伊的子𪜶的名記佇下底：雅各的大子流便。
9 流便的子哈諾、法路、希斯倫、迦米。
10 西緬的子耶某利、雅憫、阿轄、雅斤、瑣轄，猶有迦南地的婦仁人的子掃羅。
11 利未的子革順、哥轄、米拉利。
12 猶大的子珥、俄南、示拉、法勒斯、謝拉；獨獨珥及俄南死佇迦南地。法勒斯的子希斯倫、哈某勒。
13 以薩迦的子陀拉、普瓦、約伯、伸崙。
14 西布倫的子西烈、以倫、雅利。
15 諸個是利亞佇巴旦‧亞蘭給雅各所生的子，閣有伊的查某子底拿。子孫男女共三十三人。
16 迦得的子洗非芸、哈基、書尼、以斯本、以利、亞羅底、亞列利。
17 亞設的子音拿，亦施瓦、亦施韋、比利亞，閣𪜶的小妹西拉。比利亞的子希別、瑪結。
18 這是拉班互伊的查某子利亞的女婢悉帕所生的子孫就是伊給雅各生的，共十六人。
19 雅各的某拉結的子約瑟及便雅憫。
20 約瑟佇埃及地生瑪拿西及以法蓮，就是安城的祭司波提非拉的查某子亞西納給約瑟生的。
21 便雅憫的子比拉、比結、亞實別、基拉、乃幔、以希、羅實、某平、戶平、亞勒。
22 這是拉結給雅各所生的子孫，共十四人。
23 但的子戶伸。
24 拿弗他利的子雅設、沽尼、耶色、示冷。
25 這是拉班互伊的查某子拉結的女婢辟拉所生的子孫就是伊給雅各所生的，共七人。
26 許個及雅各相及到埃及者，除伊的媳婦以外，見若對伊身軀所出的，共六十六人。
27 閣有約瑟佇埃及所生的子二個。雅各的家來到埃及者共七十人。
雅各及家眷佇埃及
28 雅各差猶大做頭去見約瑟，通導𪜶去歌珊；𪜶就到歌珊的地。
29 約瑟備辦伊的車去歌珊，迎接伊的老父以色列，到見著面，就仆佇老父的頷頸，佇頷頸裡哭久久。
30 以色列給約瑟講：「我見著你的面，知你猶活啲，我今死亦甘心。」
31 約瑟給伊的兄弟及老父的家講：「我欲上去通知法老，給伊講：『我的兄弟及我的老父的家前佇迦南地者，今攏來到我遮。
32 𪜶是牧者，因為𪜶是飼精牲的人；𪜶將羊群牛群及一切所有的攏帶來。』
33 法老召恁的時，若問恁講：『恁做甚麼頭路？』
34 恁著講：『你的奴僕，對少年到今，阮連阮的祖公攏是啲飼精牲。』按呢恁通來徛佇歌珊的地；因為見若飼精牲的攏是埃及人所厭賤。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。