上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以斯帖記
7
哈曼受處死
王及哈曼來赴王后以斯帖的筵席。
2 此個第二日王佇酒筵席的中間，閣問以斯帖講：「王后以斯帖啊，你所請是甚麼，欲互你；你所求是甚麼，就國的一半也欲做成伊。」
3 王后以斯帖應講：「王啊，我若得著恩典佇你的目睭前，王若掠做好，就願你允我所請，用我的生命互我；允我的所求，用我的宗族互我。
4 因為我及我的宗族受賣，欲剿滅刣死阮互阮死無。設使賣阮做奴僕做女婢，雖然對敵𣍐會補王的損失，我也靜靜。」
5 亞哈隨魯王應王后以斯帖講：「敢存心做此個事的是是誰？彼人佇叨落！」
6 以斯帖講：「仇讎對敵就是此個歹人哈曼！」
哈曼佇王及王后的面前就真驚。
7 王大受氣，對酒筵起來入去王宮的花園。哈曼也起來對王后以斯帖求生命，因為看見王決意欲刑罰伊。
8 王對王宮的花園倒轉來酒筵的所在，彼時哈曼已經仆落佇以斯帖所佇啲的床，王講：「伊閣佇宮內、佇我的面前欲凌辱王后嗎？」話對王的嘴講出，人就蓋哈曼的面。
9 伺候王的太監有一個名叫哈波拿，講：「看啊，哈曼為著末底改徛一個五十肘高的柴架，末底改就是前日用盡忠的話報王的，今彼個架徛佇哈曼的家。」王講：「吊伊佇彼頂面。」
10 人就吊哈曼佇伊給末底改所備辦的柴架頂。王的受氣才息。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。