上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以斯帖記
4
末底改求以斯帖幫助
末底改已經知一切的所做，末底改就拆裂衫，穿麻衫，摻火灰，出去城內，大聲悲哀啼哭。
2 到佇王的門前，因為見若穿麻衫者𣍐得通入王的門。
3 佇逐省就是王的命令及諭旨所到的所在，佇猶大人的中間，有悲哀禁食啼哭慘慼，閣有多多人倒佇麻衫及火灰裡。
4 以斯帖的宮女及伊的太監來給伊講，王后就憂悶到極，寄衣服互末底改穿，愛褪去伊的麻衫，總是伊承受。
5 以斯帖就召王所派伺候伊的太監，名叫哈他革的來，教伊去末底改遐，愛知此個是甚麼代誌，甚麼因端。
6 哈他革就出去到城的寬闊的所在，就是佇王的門前到末底改遐。
7 末底改就將伊一切所抵著的，以及哈曼所講欲獻佇王的庫房的銀確實的數額通剿滅猶大人的攏給伊講；
8 閣將伊抄寫佇書珊城所傳欲剿滅猶大人的諭旨互伊，互伊提互以斯帖看，續給伊講明，閣吩咐伊入去見王來懇求伊，佇王的面前為著本族的百姓懇切祈求。
9 哈他革倒來，用末底改的話給以斯帖講；
10 以斯帖閣給哈他革講，託伊給末底改講：
11 「王的眾人臣及王許個省的百姓攏知有一條定著的例：若無受召，自專入內院見王的，無論男女，若是王攑伊金的枴仔互伊得著活的，就著互伊死。今我無受召到王遐已經三十日久啦。」
12 𪜶就用以斯帖的話給末底改講。
13 末底改吩咐人給以斯帖講：「你通拍算你佇王宮內比眾猶大人卡會脫離。
14 佇此時你若靜靜攏無講，猶大人欲對別位得著脫離，得著拯救；你及你的老父的家會抵著滅無。欲啥知你得著王后的位是為著今仔日的時勢啊？」
15 以斯帖就吩咐人回覆末底改講：
16 「去招集佇書珊所有的猶大人，為著我禁食三日，日暝無食無飲；我及我的宮女也欲禁食。然後我欲無照例入去見王，死就互伊死！」
17 末底改就去照以斯帖一切所命令的去行。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。