上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以斯拉記
10
停止參插通婚的議定
以斯拉祈禱，認罪，啼哭，仆佇上帝殿前的時，有對以色列中來的男女囝仔聚集伊遐，成大會，百姓哭到真慘。
2 屬以攔的後裔、耶歇的子示迦尼應以斯拉講：「阮佇此個所在的百姓中娶外邦人的查某子做某，干犯咱的上帝，總是以色列人佇此個事猶久有通向望。
3 今著及咱的上帝立約，將諸個某及𪜶所生的，攏互𪜶出去，照我的主及許個因為上帝的命令愕愕惙的人所議定的，照律法來行。
4 你起來，因為此個事是你所應該辦的，阮欲幫助你，你著好膽來做伊。」
5 以斯拉就起來，互祭司許個頭人及利未人，及以色列眾人咒誓，欲照此個話去行；𪜶就咒誓。
6 以斯拉就對上帝的殿前起來，入以利亞實的子約哈難的厝，到遐無食餅，無飲水；因為伊為著受掠倒來的人所犯的罪，來悲傷。
7 𪜶宣佈佇遍猶大及耶路撒冷受掠倒來的人，教𪜶攏聚集佇耶路撒冷。
8 見若無趁許個首領及長老所議定、三日內無來的，就欲抄伊所有的業，欲革伊出受掠倒來的人的會。
9 對按呢，猶大及便雅憫眾人，三日內攏聚集佇耶路撒冷。彼日是九月二十日，眾人攏坐佇上帝殿前寬闊的所在；因為此個事，閣因為落大雨，就愕愕惙。
10 祭司以斯拉起來，給𪜶講：「恁有罪；恁娶外邦的查某子做某，加添以色列人的罪。
11 今著向耶和華──恁列祖的上帝認罪，行伊所歡喜的，家己分別離開諸個國的百姓及外邦的查某子。」
12 會眾攏大聲應講：「照你所講關係阮的阮欲行伊，
13 總是百姓真多，閣抵著大雨的時，阮𣍐會徛佇外面，這也是一日二日的事，因為阮佇此個事有大大犯罪；
14 今著為全會設立咱的首領。見若咱的城中娶外邦的查某子的，著照定著的期來，彼個城的長老、士師著及𪜶來，直到咱的上帝為著此個事的受氣收倒轉。」
15 獨獨亞撒黑的子約拿單，特瓦的子雅哈謝反對此個事，閣有米書蘭及利未人沙比太贊成𪜶。
16 受掠倒來的人按呢行。祭司以斯拉及族長幾若人照𪜶的宗族攏照𪜶的名受派；佇十月初一日，𪜶相及坐查察此個事，
17 到正月初一，見若娶外邦的查某子的才明白彼個事。
娶外邦查某子的人
18 佇祭司子孫中查出娶外邦的查某子的，就是約薩達的子耶書亞的家，及伊的兄弟瑪西雅、以利以謝、雅立、基大利；
19 𪜶就牽手結盟欲離𪜶的某。因為犯罪，就獻羊群中一隻綿羊牨來贖罪。
20 音麥的子孫中，有哈拿尼、西巴第雅。
21 哈琳的子孫中，有瑪西雅、以利雅、示瑪雅、耶悅、烏西雅。
22 巴施戶珥的子孫中，有以利約乃、瑪西雅、以實瑪利、拿坦業、約撒拔、以利亞撒。
23 利未人中，有約撒拔、示每、基拉雅（基拉雅就是基利他），閣有毗他希雅、猶大、以利以謝。
24 唱歌的人的中間有以利亞實。顧門的人的中間，有沙龍、提聯、烏利。
25 以色列人巴錄的子孫中，有拉米、耶西雅、瑪基雅、米雅民、以利亞撒、瑪基雅、比拿雅。
26 以攔的子孫中，有瑪他尼、撒迦利亞、耶悅、押底、耶利末、以利雅。
27 薩土的子孫中，有以利約乃、以利亞實、瑪他尼、耶利末，撒拔、亞西撒。
28 比拜的子孫中，有約哈難、哈拿尼雅、薩拜、亞勒。
29 巴尼的子孫中，有米書蘭、瑪鹿、亞大雅、雅述、示押、耶利末。
30 巴哈‧摩押的子孫中，有阿底拿、基拉、比拿雅、瑪西雅、瑪他尼、比撒列、賓內、瑪拿西。
31 哈琳的子孫中，有以利以謝、伊示雅、瑪基雅、示瑪雅、西緬、
32 便雅憫、瑪鹿、示瑪利雅。
33 哈順的子孫中，有瑪特乃、瑪達他、撒拔、以利法列、耶利買、瑪拿西，示每。
34 巴尼的子孫中，有瑪玳、暗蘭、烏益、
35 比拿雅、比底雅，基祿、
36 瓦尼雅、米利末、以利亞實、
37 瑪他尼、瑪特乃、雅掃、
38 巴尼、賓內、示每、
39 示利米雅、拿單、亞大雅、
40 瑪拿底拜、沙賽、沙賴、
41 亞薩利、示利米雅、示瑪利雅、
42 沙龍、亞瑪利雅、約瑟。
43 尼波的子孫中，有耶利、瑪他提雅、撒拔、西比拿、雅玳，約珥、比拿雅。
44 諸個人攏娶外邦人的查某子做某，其中也有人對諸個查某子生子兒。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。