上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志上
14
大衛佇耶路撒冷的活動
( 撒下 5:11-16 )
推羅王希蘭差使者帶柏香柴，及土水師傅、做木師傅到大衛遐欲給伊起厝。
2 大衛知耶和華定著設立伊做以色列王，閣為著伊的百姓以色列的緣故，來興起伊的國。
3 大衛佇耶路撒冷閣娶幾若個某，大衛閣生子查某子。
4 佇耶路撒冷所生諸個子的名記佇下底：沙某亞、朔罷、拿單、所羅門、
5 益轄、以利書亞、以法列、
6 羅迦、尼斐、雅非亞、
7 以利沙瑪、比利雅大、以利法列。
戰贏非利士人
8 ( 撒下 5:17-25 )
非利士人聽見大衛受抹油做以色列全國的王，非利士人就攏上來尋大衛。大衛聽見，就出去抵敵伊。
9 非利士人來，排列佇利乏音的山谷。
10 大衛問上帝，講：「我著上去攻擊非利士人嗎？你欲將𪜶交佇我的手嗎？」耶和華講：「著上去，因為我欲將𪜶交佇你的手。」
11 𪜶上來巴力‧毗拉心，大衛佇遐拍𪜶。大衛講：「上帝用我的手沖散我的對敵，親像水沖散一樣」；因為按呢叫彼所在做巴力‧毗拉心。
12 非利士人放下𪜶的上帝佇遐，大衛命令人用火燒伊。
13 非利士人閣排列佇山谷。
14 大衛閣問上帝。上帝給伊講：「通上去追趇，著閃對邊仔，佇桑材樹的對面來攻擊𪜶。
15 你聽見桑材樹尾有腳步的聲，就著出去交戰，因為上帝做你的頭前出去欲拍非利士人。」
16 大衛就遵趁上帝所吩咐，𪜶拍非利士人的軍隊，對基遍到基色。
17 大衛的名聲就報揚逐所在，耶和華互列國攏驚伊。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。