| 章節 | 台語漢字本聖經 請按此下載安裝Open Han 2024版字型，免得漏掉造字 |
| 16:1 | 「諸個事我已經給恁講，互恁免致著觸。 |
| 16:2 | 人欲革恁出會堂，閣時到，凡若刣恁的人亦欲掠這做服事上帝。 |
| 16:3 | 𪜶欲行按呢，因為識父及我。 |
| 16:4 | 獨獨我有給恁講諸個，是互恁到時通記得我曾給恁講。」
聖神的工作 「我對起頭無給恁講諸個，是因為我及恁佇啲。 |
| 16:5 | 今我去歸佇差我的，恁中間無人問我，講：『你欲叨落去？』 |
| 16:6 | 干單為著我有給恁講諸個，恁已經滿心憂悶啦。 |
| 16:7 | 若是我將實情給恁講，我去，是做恁的利益；我無去，保惠師無來就近恁；若去，就欲差伊就近恁。 |
| 16:8 | 伊到，的確用罪、用義、用審判，來指正世間。 |
| 16:9 | 用罪，因為𪜶信靠我； |
| 16:10 | 用義，因為我歸佇父，恁無閣看見我； |
| 16:11 | 用審判，因為此世間的人君已經受審判。 |
| 16:12 | 「我猶有多多項欲給恁講，獨獨恁現今當𣍐起。 |
| 16:13 | 到真理的神來，伊欲導恁入佇一切的真理；因為伊是欲憑家己來講，是將伊所欲聽見的來講，閣欲用啲欲來的事報恁。 |
| 16:14 | 伊欲榮光我，因為伊欲對我所有的領受來報恁。 |
| 16:15 | 凡若父所有的，攏是我的；所以我講，伊欲對我所有的領受來報恁。」 |
| 16:16 | 憂悶變做歡喜 「霎仔久，恁無看見我；閣霎仔久，恁就欲看見我。」 |
| 16:17 | 對按呢伊的學生有的相及講：「伊對咱講：『霎仔久，恁無看見我；閣霎仔久，恁欲看見我』；閣講：『因為我歸佇父。』這甚麼意思？」 |
| 16:18 | 所以𪜶講：「伊所講的『霎仔久』是甚麼意思？咱知伊啲講甚麼。」 |
| 16:19 | 耶穌知𪜶愛問伊，就給𪜶講：「我講『霎仔久，恁無看見我；閣霎仔久，恁欲看見我』，恁因為此個問來問去嗎？ |
| 16:20 | 我實實給恁講，恁欲啼哭、哀傷，世間欲歡喜；恁欲憂悶，若是恁的憂悶欲變做歡喜。 |
| 16:21 | 婦仁人欲生子就憂悶，因為伊的時到啦；嬰仔已經出世，無閣記得伊的苦痛，因為歡喜有人出世佇世間。 |
| 16:22 | 親像按呢，恁現今亦有憂悶，總是我欲閣見著恁，就恁的心欲歡喜；閣恁的歡喜無人給恁搶去。 |
| 16:23 | 當彼日，恁無欲問我甚麼。我實實給恁講，恁見若對父求的，伊就佇我的名欲互恁。 |
| 16:24 | 恁到今未曾佇我的名求甚麼，恁著求，就會得著，互恁的歡喜滿滿。」 |
| 16:25 | 我已經卡贏世間 「諸個事，我有用譬喻給恁講；時到，我無欲閣用譬喻給恁講，就是用父明明指示恁。 |
| 16:26 | 當彼時，恁欲佇我的名求；我無給恁講，我欲為著恁求父。 |
| 16:27 | 因為父家己疼恁；是為著恁有疼我，閣信我對父出來。 |
| 16:28 | 我對父出來，亦入世間；閣離開世間，來歸佇父。」 |
| 16:29 | 伊的學生講：「今你明明講，是用譬喻。 |
| 16:30 | 今阮知你無所知，免人問你，阮因為按呢信你對上帝出。」 |
| 16:31 | 耶穌應講：「今恁信嗎？ |
| 16:32 | 時欲到，亦已經到啦，恁諸個四散，逐人歸伊本身的所在，留我家己佇啲；總是我是家己佇啲，因為父及我佇啲。 |
| 16:33 | 我已經將諸個給恁講，互恁𫢶佇我有平安。佇世間，恁有苦難；獨獨恁通放心，我已經卡贏世間。」 |