| 章節 | 台語漢字本聖經 請按此下載安裝Open Han 2024版字型，免得漏掉造字 |
| 6:1 | 安息日的問題 ( 太 12:1-8 可 2:23-28 ) 有一個安息日，耶穌對麥園經過。伊的學生摘麥穗，用手揉伊來食。 |
| 6:2 | 有法利賽幾若人講：「安息日所應該行的，恁啥事行伊？」 |
| 6:3 | 耶穌應講：「大衛及跟隨的人枵的時所行的，恁未讀著嗎？ |
| 6:4 | 伊入上帝的厝，提排列的餅來食，閣互伊跟隨的人？此號餅若是祭司，就攏應該食。」 |
| 6:5 | 閣給𪜶講：「人子也是安息日的主。」 |
| 6:6 | 醫好手枯焦的人 ( 太 12:9-14 可 3:1-6 ) 閣一個安息日，耶穌入會堂教示，佇遐有一人伊的正手枯焦。 |
| 6:7 | 經學士及法利賽人當看伊，佇安息日欲醫病抑無，意思是愛尋縫通告伊。 |
| 6:8 | 耶穌知𪜶的意思，就給彼個手枯焦的人講：「起來！徛佇中央。」伊就起來徛。 |
| 6:9 | 耶穌就對𪜶講：「我問恁，佇安息日行好事行歹事，救生命害生命，叨落一項卡合宜啊？」 |
| 6:10 | 就四界看眾人，給彼人講：「伸你的手！」伊伸出去，手就好好。 |
| 6:11 | 許個人滿心受氣，相及議論著怎樣來辦耶穌。 |
| 6:12 | 揀選十二門徒 ( 太 10:1-4 可 3:13-19 ) 當彼時，耶穌出去山裡祈禱，通暝祈求上帝； |
| 6:13 | 到天光，就叫伊的學生來，對𪜶中間揀十二人，稱𪜶做使徒。 |
| 6:14 | 有西門（耶穌閣號伊的名做彼得），及伊的兄弟安得烈，閣有雅各及約翰，腓力及巴多羅買， |
| 6:15 | 馬太及多馬，亞勒腓的子雅各及稱做西羅底的西門， |
| 6:16 | 雅各的子猶大，及賣先生的加略人猶大。 |
| 6:17 | 向群眾傳道 ( 太 4:23-25 ) 耶穌及𪜶落來，徛佇平的所在；有伊多多的學生，及歸大陣的百姓，對猶太全地及耶路撒冷，以及推羅、西頓沿海墘的地來，欲聽伊，也欲得著醫好𪜶的病； |
| 6:18 | 閣有互邪神所刁難的，也得著醫好。 |
| 6:19 | 眾人攏愛摸伊；因為有權能對伊出，來醫好𪜶大家。 |
| 6:20 | 論福及禍 ( 太 5:1-12 ) 耶穌攑目看伊的學生，講： 恁喪鄉的人有福氣啊！ 因為上帝的國是恁的。 |
| 6:21 | 恁現在啲枵的人有福氣啊！
因為恁欲得著飽。 恁現在啼哭的人有福氣啊！ 因為恁啲欲笑。 |
| 6:22 | 「人為著人子來怨恨恁，拒絕恁，詈罵恁，掠恁的名做歹，來棄拺伊，恁就有福氣啊！ |
| 6:23 | 當彼日，恁著歡喜趒跳，因為佇天裡恁的報賞是大。是𪜶的祖款待先知也是按呢。
|
| 6:24 | 若是恁好額人有災禍啊！
因為恁已經受著恁的安慰。 |
| 6:25 | 恁現在飽的人有災禍啊！
因為恁啲欲枵。 恁現在笑的人有災禍啊！ 因為恁欲哀傷啼哭。 |
| 6:26 | 「恁互眾人謳咾的有災禍啊！因為𪜶的祖款待假的先知也是按呢。」 |
| 6:27 | 論疼對敵 ( 太 5:38-48 7:12 ) 「若是我給恁啲聽的人講，對敵恁的，著疼𪜶！怨恨恁的，著好款待𪜶！ |
| 6:28 | 詈罵恁的，著給𪜶祝福！凌辱恁的，著替𪜶祈禱！ |
| 6:29 | 人搧你此旁的嘴䩃，就著越彼旁向伊。人提恁的外衫，連內衫也莫得擋伊。 |
| 6:30 | 凡若求你的，著互伊。提你的物的，莫得閣給伊討。 |
| 6:31 | 恁愛人怎樣款待恁，也著按呢款待人。 |
| 6:32 | 恁若疼許個疼恁的，有甚麼恩惠？因為歹人也是疼許個疼𪜶的人。 |
| 6:33 | 恁若好款待許個好款待恁的，有甚麼恩惠？因為歹人也是按呢行。 |
| 6:34 | 恁若借許個，有通向望伊還的，有甚麼恩惠？因為歹人也借歹人，愛𪜶照數額來還。 |
| 6:35 | 若是恁著疼恁的對敵，好款待𪜶，借人也無絕望，恁的報賞就大，閣恁欲做至高者的子兒，因為伊好款待忘恩及歹的人。 |
| 6:36 | 所以恁著有憐憫，親像恁的父的憐憫一樣。」 |
| 6:37 | 莫得批評人 ( 太 7:1-5 ) 「莫得批評人，就無抵著批評；莫得責罪人，就無抵著責罪；恁放人息，就欲放恁息； |
| 6:38 | 互人，就欲互恁，欲用足額的斗，扼、搖，互伊實到𨃟出來，傾佇恁的衫仔帕；因為恁用甚麼量來量，也欲按呢倒量互恁。」 |
| 6:39 | 閣用譬喻給𪜶講：「睛瞑的會給睛瞑的導路嗎？二個豈𣍐攏跋落陷坑嗎？ |
| 6:40 | 學生𣍐會𨃟過先生；總是見若成做齊備的欲親像伊的先生。 |
| 6:41 | 閣你怎樣看見兄弟目睭內的草仔幼，也無想你目睭內的楹仔柴啊？ |
| 6:42 | 抑是欲豈會給你的兄弟講：『兄弟啊，你目睭內的草仔幼互我給你提去』，也本身無看見你目睭內的楹仔柴啊？假好的人啊！代先提去你目睭內的楹仔柴，才會明明看見，通提去兄弟目睭內的草仔幼。」 |
| 6:43 | 樹及果子 ( 太 7:16-20 12:33-35 ) 「因為，無有好樹結歹果子，也無有歹樹結好果子。 |
| 6:44 | 因為逐欉樹對伊家己的果子，來識伊。莿帕內無人挽無花果，草茦內無人摘葡萄。 |
| 6:45 | 好人對伊的心所積聚的好來發出好；歹人對伊所積聚的歹來發出歹；因為對心所充滿的，嘴就講出。」 |
| 6:46 | 二種起厝的人 ( 太 7:24-27 ) 「恁啥事稱呼我『主啊，主啊』也無行我所講的啊？ |
| 6:47 | 見若就近我，聽我諸個話來行伊的人，我欲報恁知彼個人親像甚麼： |
| 6:48 | 伊是親像人起厝，掘互伊深，下地基佇石磐頂；大水一下到，溪流沖著厝，𣍐會搖動伊，因為伊起得好。 |
| 6:49 | 若是聽了無行的人，是親像人起厝佇土頂，無下地基；溪流沖著伊，就倒，彼間厝的倒壞是傷重。」 |