章節 | 阿美語聖經1997版經文 |
9:10 | Minokayto ko tarokos a paratoh i ci Yisan to nano dmak nangra a ma^min. Krid hanto ni Yis cangra a miliyas itira a tayra i Pisayta hananay a niyaro'. |
9:11 | Nikawrira, yo mafana' ko finawlan tonini i, toor sa cangra ci Yisan.
Hamhamen ni Yis cangra a militmoh a pasowal
to pakayniay i pikowan no Kawas. Adahen Ningra ko adadaay a tamdaw.
|
9:12 | Yo sapiclemanto ko cidal i, raoden no tosa ko safaw a nisawawaan
ci Yis a somowal, “Paliwasaken ko tamdamdaw a patayra i taliyokay
a niyaro' ato i omahay a loma'. Papikilimen cangra to kakaenen ato
malopilafinan nangra. Nawhani awaay ko loma' itini,” han nangra.
|
9:13 | Nikawrira pasowal sa ci Yis i cangraan, “Kamo ko papafli
to kakaenen nangra,”han Ningra.
Sowal sa ko nisawawaan, “Deng lima a 'aplad no ^pang ato tosa aca a futing ko nitatoyan niyam. Ano hatira i, kami ko tatayra a micakay to malokakaenen nonini a 'alomanay a tamdaw haw?” han nangra. |
9:14 | Nawhani, ma^deng lima a patek ko fa'inayan aca.
Pasowal sa ci Yis i nisawawaan Ningra, “Mahkalimalimaen a polo' ko finawlan a pasacfacfang a pakamaro',” han Ningra. |
9:15 | Saka, haen han no nisawawaan a pakamaro' ko finawlan a ma^min. |
9:16 | Itiya i, tatoy sato ci Yis toya lima a 'aplad no ^pang atoya tosa a futing. Ca'ngaw sa Cingra a pasikakarayan a mikansya to Kawas. Ta pcih sa Cingra to ^pang a papipakilac to nisawawaan i finawlan. |
9:17 | Mafcol cangra a ma^min a komaen. Sa'opo han nangra ko kinapcih
a 'osaw a ^pang i, matomes ko tosa ko safaw a fakar.
O Pipatalahkal ni Pitiro to Pakayniay ci Yisan |