| 章節 | 阿美語聖經1997版經文 |
| 28:1 | O Kalomowad ni Yis a Ma'orip nai Patay ( Marko 16:1-10 Luka 24:1-12 Yohani 20:1-10 ) Cila no pasla'an a romi'ad kaniharan no sa'ayaway a romi'ad no fa^lohay a lipay i, tayra i tadem a minengneng ci Mariya no Maktala ato roma a Mariya. |
| 28:2 | Itiya i, fahal sa ira ko tata'angay a lonen. Maloklon nai kakarayan ko coyoh a tayra a miwalin toya fokloh a patalafati'ian. Ta aro' sa koya coyoh i fafa^ed noya fokloh. |
| 28:3 | Matiya o kalapiyat a matdi ko tireng ningra. Matiya o so^da ko nika tomli' no riko' ningra. |
| 28:4 | Mirmir sa a matalaw cingraan koya misimaway a sufitay.
Samatiya sato o mapatayay cangra.
|
| 28:5 | Pasowal sa koya coyoh toya fafahiyan, “Aka ka talaw kamo. Mafana' kako to nika o mikilimay kamo ci Yisan oya nipacekan i ciwcika. |
| 28:6 | Awaayto itini Cingra. Mato sowal Ningra i'ayaw, lomowadayto Cingra a ma'orip nai patay. Katayni a minengneng to nano pitlian i Cingraan. |
| 28:7 | Ta kalamkamen a tayra i nisawawaan Ningra a pasowal, ‘O lomowadayto
a ma'orip ci Yis nai patay. I'ayaw namo Cingra a tayra i Kalili.
O mama'araw namo Cingra itira saan ko sowal no coyoh,’ han a pasowal.
Hatini aca ko sowal ako,” han noya coyoh cangra.
|
| 28:8 | Talacowa matalaw koya fafahiyan, nikawrira, tata'ang ko lipahak
nangra. Saka, kalah sa cangra a miliyas toya tadem a comikay a tayra
i nisawawaan a paratoh tonini a dmak.
|