章節 | 阿美語聖經1997版經文 |
24:1 | O Kalomowad ni Yis a Ma'orip nai Patay ( Matay 28:1-10 Marko 16:1-8 Yohani 20:1-10 ) Sa'ayaway a romi'ad no fa^lohay a lipay, yo kaniharan i, alaen noya fafahiyan ko nipatalaan nangra a fangsisay a sapaiyo a tayra i tadem. |
24:2 | Ma'araw nangra ko nika walinto no fokloh nai tadem. |
24:3 | Comod sa cangra i, awaay a ma'araw nangra ko tireng no Tapang ci Yis. |
24:4 | Yo misafahka'ka'ho cangra i, fahal sa a ira ko tatosaay a tamdaw a tomireng i tatihi nangra. Matdi ko riko' noya tatosaay. |
24:5 | Matalaw koya fafahiyan saka, hinokop sa cangra i sra. Pasowal sa koya tatosaay, “Nawiro mikilim kamo to ma'oripay a tamdaw i tadem saw? |
24:6 | Awaayto itini, o lomowadayto Cingra a ma'orip nai patay. Haratengen ko sowal Ningra i tamowanan yo itiraho i Kalili Cingra toya, |
24:7 | ‘Caay ka ^ca o mamapatorod i ciraraway a tamdaw Kako, mapacek i ciwcika. Ta saka tolo a romi'ad i, o lalomowad Kako a ma'orip nai patay,’ saan kyami,” han nangra.
|
24:8 | Itiya i, maharateng noya fafahiyan ko nano sowal ni Yis. |
24:9 | Ta liyas sato cangra to tadem a minokay a paratoh tonini a dmak a ma^min i ccay ko safaw a nisawawaan ato romaroma a tamdaw a ma^min. |
24:10 | Onini a paratohay i tarokos tonini a dmak i, ci Mariya no Maktala, ci Yoana ato ina ni Yakop ci Mariya ato romaroma a mihaklongay cangraan a fafahiyan. |
24:11 | Nikawrira, maorat ko tarokos a mitngil tonini a sowal saka, caay paso'lin cangra to sowal noya fafahiyan. |
24:12 | Nikawrira, lowad sa ci Pitiro a cumikay a tayra i tadem. Hkakan sa cingra a minengneng i, deng oya nisanga'an to kliw a kiradom a satafo ko iraay. Saka, safahka' sa cingra tonini a dmak a minokay. |