章節 | 阿美語聖經1997版經文 |
16:1 | O Kalomowad ni Yis a Ma'orip nai Patay ( Matay 28:1-8 Luka 24:1-12 Yohani 20:1-10 ) Nanoya, mahrek ko pasla'an a romi'ad i, mi'aca to fangsisay a sapayo ci Mariya no Maktala ato ci ina ni Yakop ci Mariya aci Salomi to sapisipasip to tireng ni Yis. |
16:2 | Yo dafak no sa'ayaway a romi'ad no fa^lohay a lipay yo sadak saho ko cidal i, tayra cangra i tadem. |
16:3 | Yo i lalanho cangra i, masasowasowal cangra, “Cima hakini ko papatado titaanan a miwalin to fokloh nai fawahan no tadem?” saan cangra. |
16:4 | Nawhani tadatata'ang koya fokloh. Nikawrira, ca'ngaw sa cangra a minengneng i, mawalin ito koya fokloh. |
16:5 | Comod sa cangra i laloma' no tadem i, ma'araw nangra ko ccay a kapah.
Maro' cingra i sakawanan. Ciriko' cingra to tomli'ay a kafafang.
Saka, mackok cangra a minengneng.
|
16:6 | Sowal sa koya kapah, “Aka ka ckok. Mafana' kako, o mikilimay kamo ci Yisan oya nipacekan i ciwcika a Nacali a tamdaw. Awaayto itini. Lomowadayto Cingra a ma'orip nai patay. Nengnengen, ini ko pitlian nangra i Cingraan. |
16:7 | Olili. Katayra i nisawawaan ni Yis a somowal. Songila'en ci Pitiro
a somowal, ‘I'ayaw namo ci Yis a tayra i Kalili. Masanosowal Ningra
i tamowanan. O mama'araw namo Cingra itira,’ ” han ningra.
|
16:8 | Mirmir sato koya fafahiyan a matalaw saka, pkaw sa cangra a milaliw.
Caay pasowal cangra to maan aca i cimacimaan, nawhani matalaw cangra.
O Pipa'araw ni Yis ci Mariyaan no Maktalin [ |