章節 | 阿美語聖經1997版經文 |
14:13 | Matngil ni Yis konini a dmak i, dakaw sato Cingra to tamina
a miliyas itira a ccay a tayra i kato'olan. Yo matngil no finawlan
ko nika ira ni Yis itira i, sadak sato cangra nai niyaroaro' nangra
a romakat a tayra i ci Yisan. |
14:14 | Yo ma^pod ci Yis nai tamina, nengneng sa Cingra to 'alomanay a
finawlan i, sasini'ada sa Cingra cangraan.
Saka, adahen Ningra ko adadaay nangra.
|
14:15 | Yo pisakalafianto i, tayra i ci Yisan ko nisawawaan Ningra a somowal,
“O kohkohan konini. Sakato'mananto ko romi'ad. Saka, paliwasaken
ko finawlan a papicakay to kakaenen no paytmek nangra,” han nangra.
|
14:16 | Nikawrira, paca'of sa ci Yis, “Caanto. Aka paliwasaken cangra.
Kamo ko papafli to kakaenen nangra,” han Ningra a somowal.
|
14:17 | Sowal sa ko nisawawaan i ci Yisan, “Deng lima aca a 'aplad
ko ^pang ato tosa aca a futing ko nitatoyan niyam,” han nangra.
|
14:18 | Sowal sa ci Yis, “Pataynien i Takowanan koranan,” han Ningra. |
14:19 | Saka, sowalen ni Yis ko finawlan a pakamaro' i rngorngosan.
Ta tatoy sato Cingra toya limaay a 'aplad no ^pang atoya tosaay a futing.
Ca'ngaw sa Cingra a pasikakarayan a mikansya to Kawas. Pcih sa to ^pang
a pafli i nisawawaan. Ta pakilacen no nisawawaan konini i finawlan. |
14:20 | Mafcol cangra a ma^min a komaen. Sa'opo han no nisawawaan
ko pnapcih a 'osaw a ^pang i, matomes ko tosa ko safaw a fakar. |
14:21 | O komaenay a tamdaw i, ma^deng lima a patek (5,000) ko fa'inayan. Caay ka
sa'osi ko fafahiyan ato wawa. |