| 章節 | 現代台語漢字2021版經文 |
| 5:1 | 教會中有淫亂 我確實有聽著佇恁中間有淫亂的事；此款淫亂連教會外嘛無，因為有人及伊的後母同居。 |
| 5:2 | 按呢，恁猶有什麼通膨風！恁豈毋應該感覺傷心，給做此款代誌的人對恁中間開除？ |
| 5:3 | 雖然我人及恁相離，心卻及恁做夥。我已經奉主耶穌的名給做此款可惡的代誌的人判罪啦。恁聚集的時，我的心嘛及恁做夥，通靠咱的主耶穌的大能力， |
| 5:4 | 併於上節 |
| 5:5 | 將此個人交互撒旦毀滅伊的身軀，互伊的靈魂通佇咱的主的日得著救。 |
| 5:6 | 恁啲誇口無應該！恁豈毋知「一屑仔酵母會互歸丸的麵丸發起來」？ |
| 5:7 | 舊的酵著除互清氣，恁才會成做新的麵丸，事實恁是無酵的麵丸。咱𨃟過節的羊羔基督已經獻做牲禮。 |
| 5:8 | 所以，咱毋通用惡毒邪惡的舊酵母，著用純全真實的無酵餅做祭物來守節。 |
| 5:9 | 我前寄互恁的批有警戒恁毋通及淫亂的人來往。 |
| 5:10 | 我毋是指此世間許個淫亂、貪戀、詐欺，及拜偶像的人；若毋是離開此個世界就𣍐當無及諸個人來往。 |
| 5:11 | 我今按呢寫，是講毋通及許個自稱基督徒，卻是淫亂、貪戀、拜偶像、誹謗別人、酒醉，抑是詐欺的人來往；連及諸個人同桌食飯都毋通。 |
| 5:12 | 批判教會外的人毋是我的代誌；上帝會給𪜶審判。恁豈毋是著批判教會內的人？聖經有記載：「著對恁中間將邪惡的人開除！」 |
| 5:13 | 併於上節 |