| 章節 | 現代台語漢字2021版經文 |
| 20:1 | 赤身露體的先知 亞述王撒珥根命令伊的元帥去攻取非利士的亞實突城。 |
| 20:2 | 此個代誌以前，上主對亞摩斯的子以賽亞講：「你去，將你身軀頂的麻布衫褪起來，腳穿的涼鞋褪起來！」以賽亞就照按呢做，赤身露體褪赤腳行路。 |
| 20:3 | 然後上主講：「這是埃及及古實啲欲抵著的代誌的記號及兆頭。我的僕人有三年久赤身露體褪赤腳， |
| 20:4 | 亞述王會親像按呢掠埃及的俘虜及古實的戰犯，無論是少年的抑是老的，互𪜶攏赤身露體褪赤腳遊行，互埃及見笑。 |
| 20:5 | 所有倚靠古實以及用埃及做誇口的以色列人會驚惶見笑。 |
| 20:6 | 佇彼日，住佇沿海的人會講：『看咧，咱所倚靠欲保護咱逃脫亞述王的都攏按呢，咱哪有法度走閃？』」 |